Զևսի Օլիմպիական տաճարը

Զևսի  Օլիմպիական  տաճարը  Հունաստանի  ամենամեծ  տաճարն  էր,  որի կառուցումը   տևել   է   ավելի  քան  7  հարյուրամյակ: Տաճարի շինարարությունը սկսվել է մ.թ.ա. 6-րդ դարում, Արխայիկ դարաշրջանում: Բայց տաճարը լիարժեք կառուցվել է մ.թ. 2-րդ դարում՝ Հռոմեական դարաշրջանում: Շինարարությունը սկսվել է մ.թ.ա. 515 թվականին Պիսիստրատոս կայսեր հրամանով, բայց դադարեցվել է  ընդհամենը 5 տարի անց,  երբ տիրանի   որդին   տապալվել  է: Հաջորդող  դեմոկրատական  շրջանում  տաճարը  համարվել  է  ճնշման  խորհրդանիշ և շինարարական աշխատանքները  դադարեցվել  են:

Շինարարությունը վերսկսվել է մ.թ.ա. 175թվականին Անտիոքոս IV Էպիֆիանիսի  կառավարման  տարիներին:  Ցավոք 10 տարի անց  Անտիոքոսը մահացավ  և  աշխատանքները  դադարեցվեցին  հերթական  անգամ:  Մ.թ. 132 թվականին   Աթենք  իր  երկրորդ այցելության ժամանակ  Ադրիանոս կայսրը որոշեց  ավարտել տաճարի շինարարությունը  և այն նվիրել Օլիմպիական Զևսին:

Զևսի տաճարը դարձավ Ադրիանապոլիս անունը կրող նոր թաղամասի կենտրոնը: Օլիմպիոնը  Հին  Հունաստանի ամենամեծ տաճարն էր, իր չափերով  գերազանցում  էր  անգամ  Պարթենոնին: Շինությունը սկզբնապես մտածված էր դորիական ոճով,  բայց  հռոմեացի  ճարտարապես Կոսսուցիոսը  նշանակալիորեն  փոխել  է   կառուցվածքը:

Այսօր  17.25 մետր բարձրությամբ ավելի քան 100 սյուներից պահպանվել են ընդհամենը 15-ը: 16-րդ սյունը կործանվել է 1852 թվականի  ուժեղ փոթորկի ժամանակ,  բայց  նրա  ավերակները  դեռ  նույն  տեղում  են  գտնվում: 2 մետր շառավղով  սյուները մարմարից են կառուցված:  Դրանք շրջապատում են հրապարակը, որտեղ գտնվում են Զևսի ոսկուս և փղոսկրից  արձանը և Ադրիանոս  կայսեր  արձանը:

Մ.թ.131 թվականին աթենացիները Ադրիանոս կայսեր պատվին կառուցեցին փակ կամար: 18 մետրանոց կամարը  գտնվում  է տաճարից հյուսիս-արևմուտք:  Դրա վրա երկու նախադասություն է փորագրված: Ակրոպոլիսի կողմի գրառումը ասում է՝  ‹‹Սա Աթենքն է, Թեսեյի հնագույն քաղաքը››: Կամարի մյուս մասը նայում է տաճարին և քաղաքի՝ Ադրիանոսի կառուցած հատվածին և  ունի հետևյալ գրառումը՝   ‹‹Սա Ադրիանոսի քաղաքն է, ոչ թե Թեսեյի››: Գրառումները վերաբերում են Աթենքի հին և նոր քաղաքների հիմնադիրներին: Կամարը  սիմվոլիկ կերպով քաղաքը բաժանել է   հին  և նոր մասերի:

Աղբյուր՝ hetaqrqir.am

Ձեզ նույնպես կարող է դուր գալ