Դեմքի ճանաչման ծառայությունները կարող են օգտագործել ձեր դիմակավորված սելֆին՝ ալգորիթմների ուսուցման համար

Ձեր՝ դիմակով սելֆիները տեսնում են ոչ միայն ընկերներն ու հարազատները․ բազմաթիվ հետազոտողներ կարող են դրանք օգտագործել դեմքի ճանաչման ալգորիթմները բարելավելու համար: Տվյալների բաց հավաքածուներում CNET֊ը հայտնաբերել է հազարավոր այդպիսի լուսանկարներ, որոնց մեծ մասը վերցվել է անմիջապես Instagram-ից:

COVID-19 համաճարակը ստիպեց միլիոնավոր մարդկանց կրել բժշկական դիմակներ: Սա դարձավ իրական մարտահրավեր դեմքի ճանաչման ծառայությունների համար. դիմակը ծածկում է դեմքի մեծ մասը, ինչը բարդացնում է ալգորիթմների աշխատանքը: Բազմամիլիոնանոց արդյունաբերության ապագան կախված է նրանից, թե տեխնոլոգիաները կարող է այս պայմաններում անհատներին նույնականացնել: Խնդիրը հաղթահարելու համար ծրագրավորողներին անհրաժեշտ է դիմակակիր մարդկանց ավելի շատ լուսանկարներ:

Ապրիլին հետազոտողները Github֊ում հրապարակեցին COVID19 Mask Image Dataset տվյալների բազան, որն իր մեջ պարունակում է դիմակակիր մարդկանց ավելի քան 1200 պատկեր: Բոլոր նկարները ստացվել էին Instagram-ից: Դրանից մեկ ամիս առաջ չինացի հետազոտողները ներկայացրել էին համացանցից հավաքած դիմակակիր մարդկանց 5000 լուսանկարների բազա:

Ապրիլյան տվյալների բազայի ստեղծողները օգտագործեցին իրենց ստարտափը Workaround արհեստական բանականության ոլորտում՝ տեղեկատվություն հավաքման և դիմակակիր մարդկանց նկարները նույնացնելու համար:

«Մեզ ոգեշնչում են այն ընկերությունների նախաձեռնությունները, որոնք անվճար ինչ-որ բաներ են անում՝ ուրիշներին օգնելու համար: Մենք օգտագործել ենք ոչ թե անձնական պատկերներ, այլ Instagram-ի լուսանկարներ, որոնք հասանելի են ցանկացած օգտագործողի: Դա պարզապես համապատասխանող տվյալների ընտրություն է », – ասաց ընկերության ղեկավար Վաֆա Արբաշը:

Դեմքի ճանաչման ծառայությունները վաղուց օգտագործում են հանրորեն մատչելի լուսանկարներ: Միևնույն ժամանակ, հետազոտողները նկարներում պատկերված մարդկանց չեն հարցնում` համաձա՞յն են իրենց տվյալները տրամադրել ալգորիթմների ուսուցման համար: Քաղաքացիական ազատությունների պաշտպանները փաստում են, որ այս տեխնոլոգիան վտանգի տակ է դնում գաղտնիությունը և խոսքի ազատությունը և հիշեցնում, որ հսկողության չարաշահման կանխարգելմանն ուղղված օրենքներ գործնականորեն գոյություն չունեն:

Clearview AI-ը, դեմքի ճանաչման սկանդալային ընկերությունը, իր տվյալների բազայում հավաքել է ավելի քան 3 միլիարդ պատկեր սոցիալական ցանցերից՝ հղում կատարելով First Amendment֊ին:

ԱՄՆ-ի նահանգների ավելի քան կեսի բնակիչները պարտավոր են բժշկական դիմակներ կրել հասարակական վայրերում` COVID-19-ի տարածումը կանխելու համար: Բայց դիմակը ազդում է ոչ միայն վարակի տարածման արագության, այլև դեմքի ճանաչման տեխնոլոգիաների զարգացման վրա: Դեմքի մակերևույթի մեծ մասը, որը սովորաբար վերլուծում է տեխնոլոգիան, այժմ դիմակավորված է:

Դեմքի ճանաչման որոշ ծառայություններ խնդրեցին իրենց աշխատակիցներին դիմակով սելֆի ուղարկել, ինչպես նաև սկսեցին դիմակներ ավելացնել արդեն առկա լուսանկարների վրա: ԱՄՆ ստանդարտների և տեխնոլոգիաների ազգային ինստիտուտը նույնպես նախատեսում է դիմակներ ավելացնել առկա լուսանկարներին` դեմքի ճանաչման ալգորիթմները ստուգելու համար:

Միևնույն ժամանակ, մարդկանց շրջանակը, ումից կարելի է սելֆի խնդրել, սահմանափակվում է ընկերության աշխատակիցներով, իսկ արհեստականորեն ավելացված դիմակով նկարները պակաս արդյունավետ են ալգորիթմների ուսուցման համար` համեմատած սովորական պատկերների հետ: Բացի այդ, դեմքի ճանաչման ծառայություններին անհրաժեշտ են ավելի բազմազան պատկերների հավաքածու, որպեսզի ալգորիթմները կարողանան ավելի լավ ճանաչել տարբեր սեռերի և տարիքի մարդկանց, տարբեր մաշկի գույներով և տարբեր դիմակներով:

Ըստ Արբաշի, Workaround-ի աշխատակիցները հավաքել են ավելի քան 3000 Instagram լուսանկարներ դիմակների հետ կապված հեշթեգերի միջոցով։ Նրանցից 1200-ը ընտրվել են ընկերության հանրային տվյալների բազայում օգտագործելու համար: Ընկերության տեղադրած պատկերների թվում եղել էին երեխաների լուսանկարներ. Արբաշը նշել է, որ դրանք սխալմամբ կարող էին մուտք գործել տվյալների բազա:

Ստարտափի աշխատակիցները լուսանկարներում պատկերված մարդկանցից թույլտվություն չեն խնդրել՝ իրենց տվյալների օգտագործման համար: Ըստ Արբաշի, եթե օգտվողները չեն ցանկանում դրան մասնակցել, նրանք կարող են սահմանափակել իրենց էջերը հասանելիությունը սոցիալական ցանցերում: Միևնույն ժամանակ, նա հաստատեց, որ լուսանկարների մարդիկ չգիտեն, որ հայտնվել են տվյալների բազայում:

«Մենք դրա վրա փող չենք վաստակում, սա ոչ առևտրային ծրագիր է», – շեշտեց Արբաշը: «Մեր նպատակն էր օգնել տվյալներով և մեքենայական ուսուցմամբ զբաղվող մասնագետներին հաղթահարել հանրային անվտանգությունն ապահովելու համար առաջացած խնդիրը»:

Ինչ-որ պահի, հղումների վավերականության ժամկետը Instagram-ի լուսանկարները վրա դադարեց։ Տվյալների բազայի օգտագործողները սկսեցին հետաքրքրվել, թե ինչպես հասանելիություն ստանան լուսանկարներին: Արբաշը հայտարարեց, որ եթե նախագիծը պահանջարկ ունենա, ընկերությունը կարող է դիմակավորված մարդկանց ավելի շատ լուսանկարներ ստանալ:

«Մենք երրորդ անձանց թույլ չենք տալիս հավաքել կամ օգտագործել մեր օգտագործողների կողմից տեղադրված լուսանկարները՝ առանց նրանց համաձայնության: Մենք շարունակում ենք հետաքննել այս փաստը », – ասվում է Facebook-ի հայտարարության մեջ:

Real World Masked Face Dataset-ը իրեն անվանում է բժշկական դիմակներով մարդկանց լուսանկարների ամենամեծ տվյալների բազան (ընկերության մասնագետները հավաքել են 525-ից ավելի դիմակավորված մարդկանց ավելի քան 5000 պատկեր): Տվյալները հավաքվել էին չինացի գիտնականների կողմից Վուհան համալսարանի կողմից, քաղաքում, որտեղ սկսվել էր կորոնավիրուսի բռնկումը:

Մարտի 23-ին հրապարակված մի փաստաթղթում նշվում է, որ հավաքված լուսանկարները «ամբողջ ինտերնետից» հավաքված հանրային անձանց լուսանկարներ են: Ստանալ ավելի մանրամասն մեկնաբանություններ հետազոտողներից չհաջողվեց:

Դեմքի ճանաչման ալգորիթմների ուսուցման համար սոցիալական ցանցերից լուսանկարներ օգտագործելու պրակտիկան նոր չէ: Ստեղծված իրավիճակը կապված է COVID-19-ի հետ: Համաճարակի պայմաներում ծառայությունները պետք է արագ սովորեն ճանաչել դիմակավորված դեմքերը` ապահովելու համար հասարակական անվտանգությունը: Մինչդեռ, այդ անհրաժեշտությունը բախվում է կադրերի՝ առանց նրանց վրա պատկերված մարդկանց համաձայնության օգտագործման էթիկական խնդրի հետ:

«Մարդիկ կարող են դեմ լինել, որ իրենց նկարները հայտնվեն տվյալների բազաներում, որոնք հետագայում կօգտագործվեն օտարերկրյա ինքնավար պետությունների կառավարությունների կողմից, ինչպիսիք են Չինաստանը», – կարծում է Constitution Project֊ի ավագ խորհրդատու Ջեյք Լապերուկը: «Նույնիսկ եթե մարդիկ չեն ակնկալում ամբողջական գաղտնիություն՝ տեղադրելով իրենց լուսանկարները սոցիալական ցանցերում, նրանք հաստատ իրենց պատկերացումներն ունեն այն մասին, թե ինչպես է կարելի կամ չի կարելի օհտագործել այդ լուսանկարները»:

Ձեզ նույնպես կարող է դուր գալ