Ամեն տարի հուլիսի 23-ը նշվում է որպես Կետերի և դելֆինների համաշխարհային օր(World Whale and Dolphin Day)։

Այս տոնը հաստատվել է 1986 թվականին, երբ ուժի մեջ է մտել կետորսության արգելքը՝ ներկայացված Կետորսության միջազգային հանձնաժողովի (անգլ․ International Whaling Commission — IWC) կողմից 1982 թվականի հուլիսի 23-ին, 200 տարի կետերի անխնա ոչնչացումից հետո: Արգելքը դեռ գործում է, ինչը նշանակում է, որ ամբողջ աշխարհում արգելվում է կետերի որսը, ինչպես նաև կետի մսի առևտուրը:

Այնուամենայնիվ, կետորսությունը միակ վտանգը չէ այս կենդանիների համար: Կետերի, դելֆինների և այլ ծովային կաթնասունների անհետացման ևս մեկ հիմնական գործոն է նրանց որսը դելֆինարիումների, օվկիանարիումների և կրկեսների համար:

Այդ պատճառով, այսօր համարվում է պաշտպանության օր ոչ միայն կետերի, այլև բոլոր ծովային կաթնասունների համար:

Ամեն տարի այս օրը, տարբեր բնապահպանական խմբեր և կազմակերպություններ անցկացնում են ակցիաներ և ցույցեր՝ ի պաշտպանություն կետերի և այլ ծովային կաթնասուների: Հաճախ, էկոլոգները այս օրը միավորվում են և նվիրում մեկ եզակի տեսակի պաշտպանությանը, որին սպառնում է մահացու վտանգ կամ ոչնչացում:

Հատկանշական է, որ հուլիսի 23-ը միակ ամսաթիվը չէ, շատ երկրներ ընդունում են կետերի ազգային օրեր: Օրինակ՝ Ավստրալիան, սկսած 2008 թվականից, որոշել է նշել Կետերի ազգային օրը հունիսի առաջին շաբաթ օրը, իսկ Ամերիկայում՝ Կետերի համաշխարհային օրը ավանդաբար նշվում է ամառային արևադարձին՝ հունիսի 21-ին:

Հարկ է նշել, որ Կետերի և դելֆինների համաշխարհային օրվա իրադարձությունների անցկացման ևս մեկ օր կա ֊ փետրվարին, երբ նշվում է Ծովային կաթնասունների պաշտպանության համաշխարհային օրը (Կետերի օրը):