Windows 10-ով համակարգչի աշխատանքի արագացման 7 պարզ միջոց
Դժվար է պատկերացնել, թե ինչպես Apollo 11-ը կարողացավ հասնել Lուսին, քանզի դրա ղեկավարման համակարգը աշխատում էր ավելի քիչ հիշողության ծավալով համակարգչի վրա, քան ժամանակակից ամենաէժան համակարգիչը:
Բանն այն է, որ դրա հաշվողական հզորությունը չի վատնվել գեղեցիկ ինտերֆեյսի կամ բազմախնդրության վրա, մինչդեռ մեր համակարգիչները կարող են դանդաղ աշխատել` ոչ պետքական ծրագրերի կամ ՕՀ-ի հնացած տարբերակի պատճառով: Ահա Windows 10-ը արագացնելու յոթ եղանակ:
Նվազեցրեք ավտոմատ թողարկվող ծրագրերի քանակը
Եթե համակարգիչը երկար է բեռնվում, հավանականությունը մեծ է, որ ունեք շատ ծրագրեր, որոնք դանդաղեցնում են գործարկման ընթացքը: Նույնիսկ Windows-ի ամբողջությամբ բեռնումից հետո, նրանք կաշխատեն ֆոնային ռեժիմում՝ ազդելով համակարգչի արագագործության վրա: Ահա, թե ինչպես կարելի է դա շտկել.
- Մկնիկի աջ կոճակով սեղմեք «Start»(«Пуск») կոճակը և ընտրեք «Task Manager»(«Диспетчер задач»):
- Անցեք «Startup»(«Автозагрузка») ներդիրը:
- Եթե տեսնում եք ծրագիր, որը չեք ցանկանում բացել գործարկման ժամանակ, մկնիկի աջ կոճակով սեղմեք նրա անվան վրա և ընտրեք «Disable»(«Отключить»):
Ջնջեք ավելորդ ծրագրերը
Windows օպերացիոն համակարգով համակարգիչներում նախապես տեղադրված են լինում բազմաթիվ ծրագրեր: Բարձր է հավանականությունը, որ դրանց շարքում կլինեն մի քանի անցանկալի ծրագրեր, որոնք աշխատում են ֆոնային ռեժիմում և դանդաղեցնում սարքի աշխատանքը: Դրանք ջնջելու համար պահանջվում է ընդամենը մի քանի րոպե:
Անջատեք Windows-ի հատուկ էֆեկտները
Windows 10-ը ունի բազմաթիվ էֆեկտներ, ինչպես ակնհայտ, այնպես էլ աննկատ: Դրանցով համակարգչի օգտագործումը ավելի զվարճալի և հաճելի է, բայց դրանք կարող են դանդաղեցնել համակարգչի աշխատանքը, հատկապես, եթե այն վերջին մոդելի չէ կամ ունի դանդաղագործ պրոցեսոր:
Ահա, թե ինչպես կարելի է անջատել այդ հատուկ էֆեկտներից մի քանիսը.
- Սեղմեք «Start»(«Пуск») կոճակը և բացեք «Control Panel»(«Панель управления»)
- Ընտրեք «System»(«Система»)
- Սեղմեք «Advanced system settings»(«Дополнительные параметры системы»)
- «Advanced»(«Дополнительно») ներդիրում սեղմեք «Settings»(«Параметры»)
- Այստեղ դուք կարող եք ձեռքով անջատել հատուկ էֆեկտները կամ պարզապես սեղմել «Adjust for the best performance»(«Обеспечить наилучшее быстродействие») կոճակը:
Անջատեք թափանցիկությունը
Գուցե դուք չեք նկատել, բայց Windows-ն ունի քիչ նկատելի թափանցիկության էֆեկտ: Օրինակ, բացեք «Start»(«Пуск») մենյուն և կտեսնեք, որ ֆոնը փայլում է:
Եթե դուք չեք ցանկանում «զոհաբերել» տվյալների մշակման արագությունն այդպիսի փոքր էֆեկտի համար, փորձեք անջատել այն (և հավանաբար, չեք նկատի գեղագիտական տարբերություն):
- Կտտացրեք «Start»(«Пуск») կոճակը և կտտացրեք պարամետրերի պատկերակին, որը ունի ատամնանիվի տեսք և գտնվում է անմիջապես սնուցման պատկերակի վերևում:
- Կտտացրեք «Personalization»(«Персонализация») կոճակը:
- Կտտացրեք «Colors»(«Цвета») կոճակը:
- Իջեցրեք ներքև և անջատեք «Transparency effects»(«Эффекты прозрачности»)` անջատիչը ձախ սահեցնելով:
Միացրեք համակարգիչը ամբողջական հզորությամբ
Ձեր նոութբուքը կարող է աշխատել ոչ ամբողջ արագությամբ․ դա կախված սնուցման ռեժիմից: Եթե դուք ոչ հաճախ եք օգտագործում այն առանց լիցքավորիչի, կարող եք էներգիայի ռեժիմը փոխել բարձր արդյունավետության տարբերակին:
- Կտտացրեք «Start»(«Пуск») կոճակը և գործարկեք «Control Panel»(«Панель управления»):
- Սեղմեք «Power Options»(«Электропитание») կոճակը:
- Լավագույն աշխատանքային արագության հասնելու համար ընտրեք High Performance:
Եթե դուք չեք աշխատում նոութբուքով, հավանաբար չեք տեսնի այս տարբերակները:
Օգտագործեք Windows-ի վերջին տարբերակը
Համոզվեք, որ ձեր համակարգիչը թարմացված է OS-ի վերջին տարբերակով: Microsoft-ը պարբերաբար թողարկում է շտկումներ և թարմացումներ Windows-ի համար, և չնայած դրանցից շատերը ուղղված են անվտանգության բարձրացմանը (ինչը նույնպես կարևոր է), մի մասը կապված է արտադրողականության հետ:
Ահա, թե ինչպես կարելի է պարզել, թե արդյոք կան տեղադրման սպասող թարմացումներ․
- Կտտացրեք «Start»(«Пуск») կոճակը և կտտացրեք պարամետրերի պատկերակին, որն ունի ատամանիվի և գտնվում է անմիջապես սնուցման պատկերակի վերևում:
- Կտտացրեք «Update & Security»(«Обновление и безопасность») կոճակը:
- Այստեղ դուք կարող եք ստուգել թարմացումների առկայությունը և տեղադրել դրանք:
Օգտագործեք SSD կամ տեղադրեք լրացուցիչ հիշողություն
Կարող եք զգալիորեն բարելավել ձեր համակարգչի աշխատանքը` ավելացնելով դրա հիշողությունը: Եթե այն ունի ավանդական կոշտ սկավառակ, այն կարող է փոխարինվել SSD-ով: Այն ունի նույն տիպի հիշողություն, ինչ USB սկավառակը (չնայած SSD-ն շատ ավելի արդյունավետ է), այդ պատճառով Windows-ը և ծրագրերը մի քանի անգամ ավելի արագ կբեռնվեն:
SSD կրիչը ամենակարևոր բարելավումն է, որը կարող եք կատարել ձեր համակարգչի համար, և դա նույնիսկ կարող է ավելի օգտակար լինել, քան ավելի արագագործ պրոցեսոր գնելը:
Բացի այդ, եթե դուք հաճախ եք օգտագործում համակարգիչը այնպիսի ռեսուրսահեն առաջադրանքների համար, ինչպիսիք են լուսանկարների խմբագրումը, տեսանյութեր ստեղծումը կամ խաղերը, կարող եք նրան հիշողություն ավելացնել: Որպեսզի Windows- ն արդյունավետ աշխատի, ձեր համակարգիչը պետք է ունենա առնվազն 4 ԳԲ օպերատիվ հիշողություն(RAM). Որքան ավելի շատ լինի, այնքան ավելի բարձր է արտադրողականությունը:
