Ի՞նչ է SEO-ն և ո՞րն է դրա նպատակը

Վերջին շրջանում սկսել է տարածվել թվային մարքեթինգը, ինչը միանշանակ ունի դրական ազդեցություն։ Արդյունքում շատ ընկերություններ սկսեցին ուշադրություն դարձնել իրենց SMM-ին և SEO-ին, որոնք թվային մարքեթինգի ամենատարածված ոլորտներից են։ Այսօր խոսելու ենք SEO-ից ու դրա կարևորությունից։

Ի՞նչ է SEO-ն

SEO (Search Engine Optimization)-ն որոնողական համակարգերի օպտիմիզացումն է, նպատակն է որոնողական համակարգերի կողմից առավել շատ գնահատվել և որոնելիս ավելի բարձր դիրքերում հայտնվել։ Քանի որ այսօր մարդկանց մեծամասնությունը անընդհատ որոնում է, իսկ բիզնեսներն էլ ցանակնում են իրենց մրցակիցներից առաջ անցնել,  SEO-ի դերը ևս մեծանում է։ Այն իրենից ենթադրում է կայքի կառուցվածքի, դիզայնի, ընտրված բառերի, կոնտենտի, հետադարձ հղումների և ստրատեգիայի փոփոխում ու մշակում այնպես, որ որոնողական համակարգերին առավել «դուրեկան» լինի կայքը։ Սակայն երկարաժամկետ արդյունքի համար անհրաժեշտ է անընդհատ կատարել վերլուծություններ և տեսնել, թե ինչ նոր բարելավումների ու փոփոխությունների կարիք ունի տվյալ կայքը։ Այժմ հերթով կանդրադառնանք SEO-ի կարևոր բաղադրիչներին։

Կառուցվածք և դիզայն

Կայք այցելելիս միանգամից մենք գնահատում ենք կայքի տեսքն ու պարզությունը։ Նախ ասենք, որ SEO-ի նպատակն է ոչ միայն որոնողական համակարգերին համապատասխան լինել, այլև հենց օգտագործողներին։ Այդ պատճառով կայքը պետք է մաքսիմալ պարզ և աչքին հաճելի դարձնել։ Կայքը պետք է լինի mobile-friendly, այսինքն հեռախոսներին ևս հարմարեցված լինի։ Մենյուն, գլխավոր էջի տեքստը, նկարները, տառատեսակը, ամեն ինչ պետք է հեշտ ընթեռնելի լինի ինչպես ռոբոտների, այնպես էլ այցելուների համար։ Ցանկալի է, որ կայքում լինի մեկ H1 վերնագիր, իսկ դրանից հետո վերնագրերը պետք է լինեն աստիճանաբար իջնող, որոնց քանակը կախված է տվյալ կոնտենտի, անգամ կարող է և չլինել։ Անհրաժեշտ է կառուցել այնպիսի կայք, որի բացվելու արագությունը կլինի մեծ, այսինքն այցելուն քիչ սպասի կայք մտնելու համար։

Բանալի բառեր (Keywords)

Բանալի բառերը այն բառերն են, որոնք որոնելու արդյունքում մարդիկ տեսնում  են կայքը։ Որքան ավելի բարձր search volume, այնքան ավելի շատ է այն որոնվում, բայց հաճախ նման բառերով շուկա մտնելը հեշտ չի լինում։ Բանալի բառերի ընտրությունից շատ բան է կախված։ Ամբողջ կոնտենտը կառուցվում է հենց բանալի բառերի շուրջ, բայց չպետք է շատ էլ օգտագործել, որ սպամ չդիտվի։

Օպտիմիզացված կոնտենտ

Կայքն օպտիմիզացնելիս անհրաժեշտ է նաև օպտիմիզացնել կոնտենտը։ Ցանկալի է, որ հոդվածները պարունակեն 800-ից ավելի բառեր, իսկ նկարների լայնությունը չգերազանցի 700-ը։ Կայքի արագույթան համար կարելի է նաև օգտագործել jpg ֆորմատի նկարներ։ Ինչպես վերևում նշվեց, պետք է օգտագործել նաև մեկ H1 վերնագիր և անհրաժեշտության դեպքում նաև այլ վերնագրեր։

Հետադարձ հղումներ

Որոնողական համակարգերի համար շատ կարևոր են ուրիշ կայքերից տվյալ կայք եկող հետադարձ հղումները՝ backlink-երը։ Պատճառն այն է, որ որքան շատ հետադարձ հղում ու բարձր որակի կայքերից, այնքան ավելի բարձր կգնահատվի կայքը։

Դեռևս այսքանը։ Բայց սպասեք էլ ավելի հետաքրքիր նյութերի թվային մարքեթինգի ու մասնավորապես SEO-ի մասին։

Ձեզ նույնպես կարող է դուր գալ