Ուորեն Էդվարդ Բաֆեթ՝ ամերիկացի բիզնես մագնատ, ներդրող և մարդասեր։  Բաֆեթը Բերքշիր Հեթուեյի նախագահն է, գործադիր տնօրենը և ամենամեծ բաժնետերը։ Համարվում է աշխարհի ամենահարուտ մարդկանցից մեկը։ 2008 թվականին ճանաչվել է ամենահարուստ, իսկ 2015 թվականին աշխարհի 3-րդ ամենահարուստ մարդը։ 2012 թվականին Թայմ ամսագիրը նրան անվանեց աշխարհի ամենաազդեցիկ մարդկանցից մեկը։                             Ուորեն Բաֆեթն աշխարհի ամենաազդեցիկ ֆինանսիստն է, ամենահաջողակ ներդրողն ու ամենահարուստ մարդկանցից մեկը: Ամերիկյան Business Insider պարբերականը հավաքել և ներկայացրել է Ուորեն Բաֆեթի մասին հետաքրքիր փաստեր, որոնք «բացահայտում են» նրա հաջողության և հարստության գաղտնիքները.
– Իր կարողության 99%-ն Ուորեն Բաֆեթն աշխատել է առավել մեծ տարիքում՝ 50-ամյակը տոնելուց հետո: Ըստ Forbes-ի՝ այսօր Բաֆեթի կարողությունը կազմում է շուրջ $60.8 մլրդ:

Իր առաջին ներդրումը Բաֆեթը կատարել է 11 տարեկանում, երբ հավաքել է 120 դոլար և քրոջը գրանցելով որպես գործընկեր՝ Cities Service Preferred-ում գնել է երեք բաժնետոմս, յուրաքանչյուրը՝ 38.25 դոլարով։ Գնումից անմիջապես հետո բաժնետոմսերն էժանացել են և Ուորենն ուրախությամբ որոշել է ազատվել «անհաջող գնումից», վաճառքից հետո դրանց գինը կրկին բարձրացել է՝ հասնելով 40 դոլարի։ Հետագայում նրա համար դժվար էր տեսնել, թե ինչպես են աճում այն բաժնետոմսերը, որոնք արդեն վաճառել էր։                                       Բաֆեթին հաճախ են կոչում «Օմահայի հրաշագործ», «Օմահայի մարգարե» կամ «Օմահայի իմաստուն» և աչքի է ընկնում ներդրումներ կատարելուն հավատարիմ մնալով և չնայած իր վիթխարի հարստությանը՝ անձնական խնայողություններով։