Վան Գոգ «Սրճարանի գիշերային տեռասը»
«Սրճարանի գիշերային տեռասը» նիդերլանդացի գեղանկարիչ Վան Գոգի կտավն է։ Նկարիչն այն վրձնել է կտավին 1888 թվականին Առլում։
Այն ինչ ներկայացնում է կտավը, նկարչի ներաշխարհի և զգացողությունների ամենաիրական արտացոլումն է։ Իր նամակներից մեկի մեջ Վան Գոգը գրել է եղբորը, որ «Գիշերը ավելի կենդանի և գույներով հարուստ է, քան ցերեկը»՝ հավանաբար նկատի ունենալով հենց կտավում եղած զգացողությունը։
Նկարում գույներն ավելի առատ են։ Գերիշխող դեղինը նրբորեն խաղում է կապույտի երանգների և աստղազարդ երկնքի հետ։ Հանդարտությունը պարուրում է գիշերային քաղաքն ու մարդկանց։
Կա վարկած, որ նկարիչը վրձնել է այս նկարը ոչ թե արվեստանոցում, այլ հենց փողոցում, գիշերը։ Վան Գոգը վստահ էր, որ տեսարանը պետք է ոչ թե պահել հիշողության մեջ, այլ նկարել այստեղ և հիմա՝ այդպես թույլ տալով ամենամանր դետալներին անգամ հայտնվել կտավի վրա։ Ասում են նաև, որ նկարիչը գիշերը աշխատելու համար մոմեր է վառել իր գլխարկի վրա ։ Իհարկե, հստակ ապացույցներ չկան։ Այս մասին պարզապես հիշատակումներ կան, որոնք գտնվել են գեղանկարչի նամակներում։
Ըստ որոշ աղբյուրների նկարը նմանություններ ունի Լեոնարդո դա Վինչիի «Վերջին ընթրիք» կտավին և դա է պատճառը, որ այն երբեմն նաև անվանում են «Խորհրդավոր ընթրիք»։ Եթե դիտարկենք նմանությունները, ապա նկարում երևացող սպիտակազգեստ տղամարդը ներկայացնում է Քրիստոսի կերպարը, հաճախորդները տասներկուսն են՝ ճիշտ այնքան, որքան Հիսոուս Քրիստոսի աշակերտներն են։ Նրանցից մեկը՝ դռան մոտ, պատկերված է ամբողջովին սև։ Կարծում են, որ սա էլ Հուդայի կերպարն է։
Եվ ես մեկ հետաքրքիր դետալ․ Վան Գոգի հեղինակավոր աստղազարդ երկինքը առաջին անգամ հայտնվել է հենց այս նկարում։
