Ողջույն, ես Վահրամն եմ` 14 տարեկան: Ծնվել եմ 2006 թ. – ի մարտի 2 – ին`  Արարատի մարզի Դվին գյուղում: Սովորում եմ Դվինի Լ. Ազգալդյանի անվան դպրոցում`  7 – րդ դասարանում: Հոբբիներս շատ են` կարդալ, նկարել, ճամփորդել, ստեղծագործել և այլն: Ընտրել եմ երկու մասնագիտություն` ծրագրավորում և աճպարարություն: Ծրագրավորման համար հաճախում եմ Թումո ստեղծարար տեխնոլոգիաների կենտրոն: Պաշտում եմ լողը: Լողի հաճախել եմ վեց տարի, հաճախել եմ նաև կարատեի և ունեմ դեղին գոտի: Սիրում եմ ճամփորդել դեռ մանկուց: Եղել եմ Հայաստանի գրեթե բոլոր տեսարժան վայրերում ու պատմամշակութային կենտրոններում: Այցելել եմ նաև Դվինին հարակից գյուղերի եկեղեցիներ և ծանոթացել տեղի հոգևոր առաջնորդների հետ: Հաճախում եմ եկեղեցի` շապիկավոր եմ, բարձրանում եմ խորան և օգնում տեր Եղիշե քահանա Նուրիջանյանին պատարագներ մատուցելիս: Ինը տարեկան էի երբ տեր Եղիշեն ինձ առաջարկեց շապիկ հագնել և բարձրանալ խորան: Ցանկանում եմ դպիր ձեռնադրվել: Նաև «Հայորդի» երիտասարդաց միության անդամ եմ: Նաև «Գյուղի գույնը» երիտասարդաց միության անդամ եմ, ցանկանում եմ զարգացնել մեր փոքրիկ, բայց հիասքանչ Դվինը: Վերջերս` կարանտինի պայմաններում դարձա «Կարմիր Խաչ» – ի կամավորներից մեկը: Մտահոգվում եմ մարդկանց առողջության համար և նրանց բաժանում ենք ձեռնոց, դիմակ, ալկոհոլային հիմքով ախտահանիչներ և կորոնա վիրուսից պաշպանվելու մասին բուկլետներ, որպեսզի ավելի տեղեկացված լինեն և պաշտպանվեն աներևույթ թշնամուց: Առողջ լինենք և հաղթանակած դուրս գանք այս պատերազմից:

Հետևեք ինձ`  facebook.com