Յուհան քաղաքում բնակվում է մոտ 11 միլիոն մարդ, հարևան 2 քաղաքներում՝ 8 միլիոն: Նրանց համար փակ են օդանավակայանները, երկաթուղային կայարանները: Սահմանափակումները մտցվել են չինական Նոր տարվա նախօրեին, երբ ուղևորահոսքը կտրուկ աճում է: Քաղաքներում բնակիչներին փակելով իշխանությունները նպատակ ունեն կանխել նոր կորոնավիրուսի տարածումը:

Չինաստանի Յուհան քաղաքի իշխանությունները փակել են քաղաքի ելքերը: Շրջափակման մեջ են հայտնվել գնացքները, ավտոբուսներն ու ինքնաթիռները: Դադարեցվել է ներքաղաքային հասարակական տրանսպորտը: Նոր վարակով հիվանդների քանակն արդեն նշվում է 580:

Արգելքի տևողության մասին տեղեկություն չի հաղորդվում: Լրագրողները պատմել են, որ իշխանության տարածած հաղորդագրության մեջ չեն նշվել անձնական ավտոմեքենաները, բայց նշվել է, որ քաղաքացիները չպետք է լքեն քաղաքը, եթե դրա անհրաժեշտությունը չկա:

Իշխանությունները պարզաբանել են, որ նմանատիպ սահմանափակումներն ուղղված են նոր տեսակի կորոնավիրուսի համաճարակի կանխմանը և վերահսկմանը: Արգելքները սահմանվել են չինական Ամանորի նախաշեմին, երբ երկրում ուղևորահոսքը կտրուկ մեծանում է:

Չինաստանի իշխանությունները սահմանափակել են Յուհանի հարևան երկու քաղաքներից՝ Հուանգանից և Էչժոուից, հնարավոր ճանապարհորդությունները: Այնտեղ ապրում է շուրջ 8 միլիոն մարդ (Յուհանում՝ 11 միլիոն): Հուանգանի բնակիչները քաղաքը կարող են լքել միայն հատուկ թույլտվության դեպքում: Էչժոու քաղաքում գործող ռեժիմի մասին հստակ տեղեկություն չկա, հայտնի է, որ այնտեղ աշխատանքները դադարեցնելու են երկաթուղային բոլոր կայարանները:

Չինաստանի բնակիչներին անհանգստացնող հանգամանքներից մեկն այն է, որ սահմանափակումները մտցվել են չինական Նոր տարվա նախօրեին:

Աղբյուր՝ shesht.am