UVMask-99.99% պաշտպանություն բոլոր վիրուսներից
Եթե մեկ տարի առաջ ինչ-որ մեկը ասեր, որ ստիպված եք լինելու ողջ օրը դիմակ կրել և գիշերային մաքուր օդը շնչել պաշտպպանիչ շերտի միջով՝ առնվազն հիմարություն կհամարեիք դա: Սակայն հինգ ամիս առաջ սկսված և ողջ մոլորակը վարակի հաստ շերտի տակ առած COVID19-ը ապացուցեց, որ ընդամենը մի քանի օրվա ընթացքում մարդկային անփութությունը կարող է փոխել ողջ երկրագնդի բնակչության առօրյան: Լինես դրսում՝ քեզ ամբողջովին անծանոթ մարդկանց շրջանում, թե խմբված ընկերներիդ կամ հարազտներիդ հետ, առանց դիմակի նրանց կողքին գտնվելը ներքին անհանգստություն է առաջացնում: Այնուամենայնիվ, ոչ բոլորն են հաճույքով կրում մեզ այդքան պարտադրվող դիմակները՝ ոմանք պնդում են, որ դրանք անհարմար են, իսկ ոմանք նշում, որ դիմակները չեն կարող նրանց ապահովել լիակատար պաշտպանությամբ: Նշված բոլոր պատճառաբանություններից խուսափելու համար ամերիկյան UM Systems ընկերությունը` երկու տարի անդադար աշխատանքներից հետո վերջապես աշխարհին է ներկայացրել ոլորտի լավագույն պաշտպանիչ համակարգով հագեցած դիմակը՝ UVMask-ը:
Ճապոնիայում հավաքված և Ամերիկայում իր վերջնական տեսքն ստացած այս գերժամանակակից դիմակը խոստանում է վերացնել օդում առկա բակտերիաների և վիրուսների 99,99 տոկոսը: Այսպիսի լիակատար պաշտպանության հասնելու համար դիմակի վրա աշխատող ինժիներները ստեղծել են շուկայում իր նմանը չունեցող կրկնակի պաշտպանության համակարգ, որի առաջին շերտը մաքրում է օդը 0,3 միկրոմետր չափ ունեցող աղտոտիչ նյութերից (հող, փոշի, ծուխ և այլն), իսկ երկրորդ շերտը՝ օգտագործելով Sterile-Vortex անվանումը կրող պատենդավորված տեխնոլոգիան վերացնում է 0,1 միկրոմետր չափ ունեցող բակտերիաներն ու վիրուսները: Այդ ամենը հնարավոր չէր լինի առանց դրանում առկա UV-C ճառագայթի օգտագործման:
Հետաքրքրական է, որ դիմակի մարքեթինգային առաջխաղացմամբ զբաղվում է Հայաստանի ամենահայտնի քրաուդֆանդինգային կազմակերպությունը՝ The Crowdfunding Formula-ն: UVMask-ը այս պահին հասանելի է Kickstarter-ում, որտեղ հայկական թիմի գովազդային արշավի շնորհիվ արդեն իսկ հասցրել է հավաքել 2.000.000 դոլլար և հավակնում է դառնալ հարթակում իր տեսակի մեջ ամենաշատ գումար հավաքած պրոեկտը: Դիմակն իր ինովացիոն բնութագրերի շնորհիվ հասցրել է գրավել խոշորագույն պարբերականների ուշադրությունը, որոնց շրջանում են CNN-ը, Gizmodo-ն, Yahoo news-ը և անգամ Forbes-ը:
Հայ թիմի կողմից գովազդվող այս համաշխարհային ֆենոմենի հետագա նվաճումներին ծանոթանալու, կամ այն գնելու համար կարող եք մուտք գործել UVMask-ի Կիքսթարթերյան էջ, որտեղ հավաքված գումարի հաշվիչը շարունակում է բարձրանալ վայրկյան առ վարկյան:
Դիմակի արժեքն է 99դոլար: Ներկայումս տեղի է ունենում նախավաճառք, իսկ ապրանքի առաքումը կսկսվի 2020-ի հոկտեմբերին:
