Խորհուրդներ երջանիկ լինելու համար
Դալայ լամա 14-րդը Տիբեթի բուդդայականների հոգևոր առաջնորդն է, ով 1989-ին արժանացավ Խաղաղության նոբելյան մրցանակի:
Մենք առանձնացրել ենք երջանիկ կյանքի մի քանի խորհուրդ Դալայ լամայից.
- Եղեք բարի և օգնեք ուրիշներին: Սա է իմ կրոնը: Տաճարների և բարդ փիլիսոփայության կարիք չկա: Մեր սեփական ուղեղն ու սիրտն են մեր տաճարը, իսկ փիլիսոփայությունը բարությունն է: Եղեք բարի, երբ հնարավոր է, իսկ դա միշտ է հնարավոր:
- Փնտրեք երջանկություն: Մեր կյանքի նպատակը երջանիկ լինելն է: Երջանկությունը հենց այնպես չի տրվում, այն ձեռք է բերվում մեր գործողությունների արդյունքում:
- Մի կռվեք, այլ բանակցեք: Երկխոսություն նշանակում է պատրաստ լինել գնալու փոխզիջման՝ հարգելով միմյանց իրավունքները:
- Լռությունը երբեմն ամենալավ պատասխանն է:
- Եթե խնդիրը լուծելի է, իրավիճակն այնպիսին է, որ կարող եք որևէ բան փոխել, ապա անհանգստանալու կարիք չկա: Եթե խնդիրն անլուծելի է, ապա անհանգստանալու մեջ օգուտ չկա: Երկու դեպքում էլ անհանգստանալն իմաստ չունի:
- Ձեր հաջողությունը դատեք նրանով, թե ինչ եք զոհաբերել դրան հասնելու համար:
- Մենք երբեք խաղաղություն ձեռք չենք բերի արտաքին աշխարհի հետ, եթե ինքներս մեզ հետ խաղաղ չենք:
Ինչպիսի՞ն է ձեր արձագանքը
Զվարճալի
0
Օգտակար
0
Սիրելի
0
Վստահ չեմ
0
