Եղեք հանդուրժող և հարգեք ինքներդ ձեզ / Տիգրան Դավթյան
– Ըստ Ձեզ ինչպիսի՞ դեր ունի արվեստը մարդու կյանքում
– Ըստ իս արվեստի դերը մարդու կյանքում շատ մեծ է։ Արվեստը մարդու կյանքի շարժիչ ուժն է, նրա կրթական և զարգացման որոշիչ գործոնը։ Իմ կյանքում այն որոշիչ դեր ունեցավ։
– Ինչպիսի՞ քայլեր եք անում, որպեսզի սեր արթնացնեք հայ հասարակության մեջ:
– Ես իմ արվեստով, իմ երաժշտությամբ եմ փորձում սեր արթնացանել հայ հասարակության մեջ։ Իմ կատարումներով, ստեղծագործություններով եմ փորձում մարդկանց մղել դեպի սերը, որի կարիքը մեր օրերում շատ ունենք։
– Մինչև կատարումը ինչպիսի՞ մտքեր եք ունենում, և ի՞նչ տպավորություններ եք ստանում կատարման ընթացքում:
– Բնականաբար բոլորս մինչ ելույթը և թե ելույթի ընթացքում հուզվում ենք և մինչ կատարումը կիսով չափ կռիվ է հուզմունքի հետ, որին փորձում ենք հաղթել ելույթի ընթացքում, իսկ մտքերը կարող են լինել շատ տարբեր կախված նաև տվյալ պահի հոգեվիճակից ու կարգավիճակից, բայց կա նաև ընդհանուր մի կետ՝ խաչակնքում, որը մեր օգնականն է տվյալ պահին։ Իսկ տպավորությունը ելույթից ևս կարող է լինել շատ տարբեր և հակասական. մեկ լավ, մեկ վատ կամ շատ լավ, բայց անկախ ամենից շատ կարևոր է լինել անկեղծ և ներկայանալ այնպես, ինչպես կուզես ինքդ տեսնել որպես հանդիսատես։
– Արվեստի մեջ առաջնայինն անկեղծությունն է, թե՞ նվիրվածությունը:
– Անկեղծ նվիրվածությունը, որովհետև առանց մեկը մյուսի երկար ճանապարհ չունի։
– Ի՞նչ կոչ ունեք հայ հասարկությանը:
– Եղեք հանդուրժող և հարգեք ինքներդ ձեզ
