Մարդու գոյատևման կարևորագույն պայմաններից մեկը սնունդն է: Առողջ, հաշվեկշռված (բալանսավորված) և լիարժեք սննդակարգը մարդու աճի և զարգացման, տարբեր հիվանդությունների կանխարգելման և առողջության պահպանման գրավականն է:

Ձեզ ենք ներկայացնում առողջ սնունդ պատրաստելու և հարազատներին զարմացնելու հեշտ ու համեղ բաղադրատոմս:

Բաղադրամասեր

5 ոչ մեծ կարտոֆիլ,

250-300 մլ կաթ,

250-300 գր ալյուր,

3-4 կտոր սխտոր,

3 ձու,

1 ճաշի գդալ շաքարավազ,

3+2 ճաշի գդալ բուսական յուղ,

Աղ, մաղադանոս

Պատրաստման եղանակը

• Մաքրում եք և կտրատում կարտոֆիլը 4 մասի, լցնում ջուր (այնքան, որ հազիվ ծածկի կարտոֆիլը), աղ և եփում:
• Մի քիչ սառելուց հետո ջրի հետ, որում այն եփվել է, լցնում եք բլենդերի մեջ և հարում մինչև շիլայանման զանգված ստանալը:
• Այնուհետև ավելացնում եք սխտոր, ձու, ալյուր, կաթ, 3 ճաշի գդալ բուսական յուղ, կանաչի և աղ՝ մոտավորապես մեկ թեյի գդալ:
• Լավ խառնում եք և թողնում 20 րոպե խմորը հանգստանա:
• Տապակում եք տաքացրած թավայում, քիչ քանակությամբ բուսական յուղով՝ միջին տրամագծով բարակ նրբաբլիթներ:

Բարի ախորժակ…