Ամենակարճ պատմվածք-գլուխգործոցները
Աշխարհում կան հազարավոր պատմվածքներ, որոնք մենք կարդում ենք, պատմում, նույնիսկ՝ գրում ինքներս: Սակայն երբևէ մտածե՞լ ենք գրել այնպիսի պատմվածք, որը շատ կարճ լինի, բայց միևնույն ժամանակ մեծ միտք պարունակի իր մեջ:
Մի անգամ ամերիկացի աշխարհահռչակ գրող Էռնեստ Հեմինգուեյը, գրազ գալով, գրում է աշխարհի ամենակարճ պատմվածքը, որը բաղկացած է ընդամենը 6 բառից: Ընկերները չէին հավատում նրան, իսկ Հեմինգուեյը անձեռոցիկի վրա գրեց.
«For sale: baby shoes, never worn» («Վաճառվում է. մանկական կոշիկ՝ երբևէ չհագած:»), վերցրեց գրազի գումարն ու դուրս եկավ բարից:
Հեմինգուեյը համարվում է 6 բառից բաղկացած ստեղծագործությունների հայրը: Այս դեպքից հետո աշխարհում «ամենակարճ պատմվածք» գրելու տասնյակ մրցույթներ են անցկացվել, և արդեն քանի տարի շարունակվում է այս ավանդույթը: Ոչ բոլորը կարող են տիրապետել կարճ, բայց ասելիքով ստեղծագործություն գրելու արվեստին:
Ահա դրանցից լավագույնները.
1. Օ’ Հենրին հաղթել է այդպիսի մրցույթում: Գրել է մի պատմվածք, որն ունի հանգույց, կուլմինացիա, լուծում:
«Վարորդը վառեց ծխախոտը և կռացավ՝ տեսնելու, թե որքա’ն վառելիք է մնացել բենզինի բաքի մեջ: Մահացածը քսաներեք տարեկան էր»:
2. Անգլիացիները նախկինում անց են կացրել ամենակարճ պատմվածքի մրցույթ միայն այն պայմանով, որ այնտեղ անպայման պետք է հիշատակվեին թագուհին, Աստվածը, հարաբերությունները և գաղտնիքը: Առաջին տեղը գրավել է հետևյալ պատմվածքը.
«Օ՜, աստված իմ,- բացականչեց թագուհին,-ես հղի եմ և չգիտեմ՝ ումից»:
3. Աշխարհի ամենակարճ սարսափ պատմության հեղինակը Ֆրեդերիկ Բրաունն է: Նա գրել է.
«Երկրագնդի վրա մնացած վերջին մարդը նստած էր սենյակում, դուռը թակեցին»:
4. Կենսագրական ստեղծագործության մրցույթում հաղթել է մի ֆրանսուհի, որը գրել էր.
«Նախկինում ես ունեի հարթ մաշկ և ճմրթված շրջազգեստ, իսկ հիմա ճիշտ հակառակն է»:
Աուգուստո Մոնտեռոսո
5. «Երբ նա արթնացավ, դինոզավրը դեռ այնտեղ էր»:
Աուգուստո Մոնտեռոսո
Ամելի
6.«Պարո’ն, երբ մատով դեպի երկինք են ցույց տալիս, միայն հիմարն է նայում մատին»:
Ամելի
7.«Ցուլ. երկու ցլամարտիկ: Ցուլ. մեկ ցլամարտիկ: Ցուլ…»:
Իսպանացի
Վիկտոր Հյուգո
8. Երբ Վիկտոր Հյուգոն իր «Մերժվածները» վեպի ձեռագիրը ուղարկել է խմբագրություն, նամակում գրել էր՝ «?»: Հեղինակը ստացել է համապատասխան պատասխան՝ «!»:
Սակայն միևնույն է. ամենահայտնին շարունակում է մնալ այս «պատմվածքը».
«Սկզբում եղել է Բանը…»:
Այս կարճ պատմվածքը շարունակում է գոյություն ունենալ ավելի քան 2000 տարի և չի ավարտվում:
