Քունջութի մածուկի մոգական օգտակարությունը

Քունջութի սերմերի օգտակար լինելը հայտնի է բոլորին: Դեռևս հին ժամանակներից քունջութի սերմերը համարվել են ձիթատու կուլտուրաներ, որոնց կանոնավոր, բայց չափավոր օգտագործումը նպաստել է մի շարք հիվանդությունների բուժմանն ու կանխարգելմանը: Քունջութի սերմերը պարունակում են յուղեր, սպիտակուցներ, լուծվող ածխաջրեր, իսկ վիտամիններից կարևոր նշանակություն ունի E վիտամինի պարունակությունը, որն իր հակաօքսիդանտ հատկությամբ կարողանում է կանխարգելել վաղաժամ ծերացումն ու պարգևել ձեզ առողջ ու գեղեցիկ կյանք:

Այն մասին, թե օգտակար նյութերի և վիտամինների ի՜նչ մեծ պաշարով են օժտված քունջութի սերմերը, կարելի է արդեն պատկերացում կազմել քունջութի մածուկի, քունջութի յուղի, տարբեր նպատակներով դրանց կիրառման բնագավառներից:

Աշխարհում արդեն վաղուց տարածում է գտել սպիտակ և շագանակագույն տեսակների քունջութի և մեղրի խառնուրդից պատրաստված սննդային մածուկը (Пищевая паста), որը չունի իրեն հավասարը։

Այդ մածուկի միջոցով հնարավոր է կանխարգելել առողջական մի շարք խնդիրներ, բարելավել իմունային ու նյարդային համակարգերը: Այն մաքրում է արյունատար անոթները, կարգավորում զարկերակային ճնշումը, խթանում մտավոր կարողություններն ու ֆիզիկական ակտիվությունը:

Այս հրաշք մածուկը համարվում է ամինաթթուների կատարյալ աղբյուր, դրական ազդեցություն թողնելով կանանց վերարտադրողական ֆունկցիայի վրա, իսկ ոսկրային հանգույցների համար այն ուղղակի անփոխարինելի միջոց է:

Քունջութի պաստան նախատեսված է բոլորիս համար՝ անկախ տարիքից: Այն վաղուց արդեն դարձել է ժամանակակից աշխարհի սննդակարգի մի մասը, որովհետև բացի ճարպաթթուների, վիտամինների և հանքանյութերի հզոր աղբյուր լինելուց, այն նաև օժտված է անմահական համով:

Պետք է հիշել, որ ցանկալի արդյունքի հասնելու համար անհրաժեշտ է պահպանել մածուկի կանոնավոր, բայց և չափավոր օգտագործումը:

Պետք չէ մոռանալ նաև առողջ սննդակարգի պահպանման մասին: Չէ՞ որ դա է ցանկալի արդյունքի հասնելու առաջին գրավականը:

Այսինքն՝
1․ Կարգավորել սննդակարգը և սնվել բացառապես առողջ սնունդով
2․Սննդակարգում ներառել բանջարեղենային աղցաններ ու բնական հյութեր
3․Ինչպես նաև այս պաստան դարձնել յուրաքանչյուրիս առօրյայի անբաժանելի մասը:

Այսպիսով՝
Ամրացրու իմունային համակարգդ քունջութի սերմերի ու մեղրի աներևակայելի հանդիպման շնորհիվ:
Նետի՛ր մարտահրավեր իմունիտետիդ:

Հեղինակ՝ Լուսինե Ավանեսովա