Tesla-ն նախատեսում է «խոշոր ապահովագրական ընկերություն» հիմնադրել ընկերության մեքենաների սեփականատերերի համար: Այս մասին հայտնում է Business Insider-ը՝ վկայակոչելով ընկերության ղեկավար Իլոն Մասկին: Ձեռնարկատերն այս մասին հայտարարել է ներդրողների հետ հեռախոսային խորհրդակցության ժամանակ:

Ընկերությունը կհաշվարկի ապահովագրավճարը ամսական կտրվածքով՝ օգտագործելով տրանսպորտային միջոցի վարման ոճի տվյալները և, դրա հիման վրա, սահմանելով վարորդի դժբախտ պատահարի ենթարկվելու ռիսկը:

Որքան վտանգավոր է մեքենավարումը, այնքան ավելի թանկ կարժենա ապահովագրությունը: Այլ մանրամասներ չեն բացահայտվել:

Tesla-ն սկսել է ավոսիրահարներին առաջարկել սեփական Tesla Insurance ապահովագրությունը անցյալ տարվա օգոստոսին: Ընկերությունըը նախագիծը մեկնարկել է Կալիֆոռնիայում, նախատեսելով այնուհետև այն տարածել ԱՄՆ այլ նահանգներում: Tesla-ի սեփականատերերին խոստացել են 20-30% զեղչեր, սակայն ընկերության հաճախորդներից ոմանք նշել են, որ Tesla-ի գները գերազանցում են կողմնակի ընկերությունների ապահովագրության արժեքը:

Business Insider-ը նշում է, որ Tesla-ի սեփականատերերը ունեն թանկարժեք ապահովագրություններ` ավտոմասեր գտնելու դժվարության և որակավորված ավտոծառայությունների փոքր ընտրության պատճառով: 2017-ին Ամերիկյան ավտոմոբիլային ասոցիացիան նկատել է, որ Tesla-ի վարորդները ստիպված են վճարել ավելին, քան մյուս ավտոմեքենաների սեփականատերերը՝ ավտոմեքենաների անսարքությունների պատճառով «աննորմալորեն մեծ» բողոքների պատճառով:

Ինչպիսի՞ն է ձեր արձագանքը

Զվարճալի
0
Օգտակար
0
Սիրելի
0
Վստահ չեմ
0

Ձեզ նույնպես կարող է դուր գալ