Աշխարհի ամենափոքր քանդակները բրնձի հատիկների վրա
Մարդկանց մեծ մասը սիրում է գնալ թանգարանաններ, ծանոթանալ արվեստի եզակի նմուշներին, ուսումնասիրել հայտնի քանդակագործների քանդակները: Բայց նրանք հնարավորություն չունեն մոտիկից տեսնելու և դիպչելու թանգարաններում տեղադրված նմուշներին. այս արգելքը սահմանվում է հասարակ կարմիր ժապավենների միջոցով: Սակայն կան յուրահատուկ քանդակներ, որոնք հնարավոր չէ տեսնել կարմիր ժապավեններով սահմանված հեռավորությունից: Պատճառն այն է, որ այդ քանդակները շատ փոքր են. դրանք փորագրված են բրնձի հատիկների վրա: Այդ զարմանահրաշ ստեղծագործությունները մանրակրկտորեն ուսումնասիրելու համար մարդիկ պետք է խոշորացույց օգտագործեն:
Այս յուրահատուկ քանդակների հեղինակը անգլիացի քանդակագործ և նկարիչ Ուիլարդ Ուիգանն է:
Այս անհավատալի փոքրիկ քանդակները պատրաստելու համար Ուիլարդը օգտագործում է ատամները մաքրելու փայտիկներ ու շաքարի բյուրեղներ: 
Նրա պատրաստած ամենափոքր քանդակի չափը կազմում է մեկ դույմի հազարերրորդ մասը:
Իր քանդակների փոքր չափը ավելի ընդգծելու համար Ուիլարդը դրանք ցուցադրում է ասեղի աչքի մեջ:
Ուիլարդը ընտրել է քանդակագործի ուղին, երբ ընդամենը հինգ տարեկան էր. նա մրջյունների համար փոքր տներ էր պատրաստում, քանի որ կարծում էր, որ նրանց ինչ-որ տեղ է պետք ապրելու համար:
