Թե ինչպես Լինքոլն նախագահ դարձավ
Բոլորը գիտեն Աբրահամ Լինկոլնին՝ Ամերիկայի Միացյալ Նահանգների առաջին նախագահին, ով մորուք ուներ: Սակայն քչերն են տեղյակ, որ այդ մորուքն աճեցնել համոզել է 11-ամյա մի աղջնակ, ով ապրում էր Նյու Յորք նահանգի մի փոքրիկ քաղաքում։ 
1860 թ. հոկտեմբերի 15-ին ԱՄՆ-ի նախագահ Աբրահամ Լինկոլնը 11-ամյա Գրեյս Բեդելից նամակ ստացավ: Երիտասարդ ամերիկուհին Լինկոլնի կողմնակիցն էր, սակայն նա կարծում էր, որ նախագահը շատ նիհար դեմք ունի: Հենց այդ պատճառով էլ աղջնակը խորհուրդ տվեց նախագահին մորուք աճեցնել: Նամակը հետևյալ բովանդակությունն ուներ. «Ես չորս չափահաս եղբայր ունեմ, որոնցից մեկը ընտրությունների ժամանակ, անկասկած Ձեզ է ընտրելու: Սակայն այն դեպքում, եթե մորուք աճեցնեք, ես կստիպեմ մյուս երեք եղբայրներիս համոզել, որպեսզի նույնպես Ձեզ ընտրեն: Մորուքով Դուք շատ ավելի ներկայանալի տեսք կունենաք, քանի որ Ձեր դեմքը շատ նիհար է: Բոլոր կանանց դուր է գալիս մորուքը, և նրանք կհամոզեն իրենց ամուսիններին ընտրությունների ժամանակ ձայները Ձեզ տալ, և Դուք նախագահ կդառնաք»:
Լինկոլն այս նամակին պատասխանել է 1860 թ. հոկտեմբերի 19-ին. «Նախկինում ես երբեք մորուք չեմ ունեցել: Չե՞ք կարծում, որ ինձ բոլորը հիմար կհամարեն, եթե հիմա սկսեմ մորուք աճեցնել»:
Սակայն Աբրահամ Լինկոլնը հետևեց աղջնակի խորհրդին և 1860 թ. նոյեմբերի 6-ին ընտրվեց ԱՄՆ 16-րդ նախագահ` առաջ անցնելով Դեմոկրատական կուսակցության մրցակիցներից:
