Ողջունում եմ բոլորին,ես Տաթևն եմ,13 տարեկան։Բնակվում եմ Գեղարքունիքի մարզի Ճամբարակ քաղաքում։Ուզում եմ ձեզ պատմել կյանքումս շատ կարևոր նշանակություն ունեցող մի բանի մասին։Իմ կյանքում առաջին հորիզոնականը զբաղեցնում է նկարչությունը։Անչափ սիրում եմ գույներով նոր երանգներ ստանալ,սիրում եմ,երբ ձեռքերս թաթախված են լինում անհամար գույներով։Հաճույք եմ ապրում ՝այդ ամենը տեսնելով և զգալով այն։

Փոքր տարիքում չէի սիրում նկարել,իսկ հիմա՝ընդհակառակը.օրս անցնում է ներկերի և մատիտների հետ։
Նկարներիս ձևը և բովանդակությունը,սովորաբար,կախված է այդ պահին ունեցածս տրամադրությունից։Եթե ուրախ եմ լինում,նկարներս ողողում եմ լուսավոր և պայծառ գույներով,իսկ տխուր լինելու դեպքում նկարներս,կարծես,մռայլվում և մուգ գույներով են պատվում։

Արդեն 2 տարի է,ինչ հաճախում եմ Էդիկ Ղուլյանի անվան գեղարվեստի դպրոցը։Դպրոցում թեմաները,որոնց վերաբերյալ պետք է նկարենք ,ընտրում են ուսուցիչները,մինչդեռ տանը թեմաների ընտրության գործում ազատ եմ։

Թեև մի փոքր շուտ է ինձ համար մասնագիտություն որոշելը,սակայն հետագայում կցանկանամ դիզայներ դառնալ։Չեմ վարանի,եթե ասեմ,որ վստահություն ունեմ՝այդ ասպարեզում ինձ ավելի հանգիստ ու ազատ զգալու նկատմամբ։