Ողջույն:

Ինչպես գիտեք մեր նախորդ հոդվածներից մեկում` մեր կամավոր խմբագիր և լրագրող Արտյոմ Օհանյանը պատմում էր Լոռվա ՍՄԱՐԹ անկյան մասին, որը գտնվում է Դեբետ գյուղին հարակից` ՍՄԱՐԹ ավանում:

Այժմ Արտյոմը սովորում է այնտեղ, և մենք որոշեցինք հարցազրույց անցկացնել նրա հետ:

-Ողջույն Արտյոմ, ինչպես ես իմացել ՍՄԱՐԹ կենտրոնի մասին, և ինչպես ես գրանցվել։

-Բարև Ձեզ։ ՍՄԱՐԹ-ի մասին իմացել եմ դեռ հեռավոր 2018 թվականին։ Շատ են եղել փորձերս ՍՄԱՐԹ-ին դիմելու, և վերջապես 2019 թվականի տարեվերջին զանգ ստացա, որ գրանցվել և անցել եմ, ու, էնքան ուշ էի գրանցվել, որ մոռացել էի։ 

-Ի՞նչ էիր ուզում սովորել, և ի՞նչ էս սովորում հիմա, Արտյոմ։

-Մտածում էի չինարեն սովորելու մասին, բայց եկա, պարզ դարձավ, որ ոչ միայն կարող եմ չինարեն սովորել, այլ նաև բազմաթիվ այլ բաներ, հիմա սովորում եմ Երաժշտական Գործիքներ բաժնում, շատ էի ուզում կիթառ սովորել, բայց մեր համայնքում հնարավոր չէր սովորել։ ՍՄԱՐԹ-ը հնարավորություն է տալիս սովորել այն ամենը` ինչ չեն սովորեցնում դպրոցում։

-Լսել եմ, որ մինչև սովորելուն անցնելը “Ներածական շաբաթ” եք անցնում, կպատմե՞ս, դա ի՞նչ է։

-Ներածական շաբաթ անցնում են նրանք` ովքեր ցանկանում են դառնալ ՍՄԱՐԹ քաղաքացի։ Ներածական շաբաթվա ընթացքում ՍՄԱՐԹ-ի ապագա ուսանողները կողմնորոշվում են իրենց ընտրության մեջ։ Շաբաթվա վերջում ուսանողները ընտրում են երեք մասնագիտություններ որոնք ցանկանում են սովորել առաջին 15 շաբաթների ընթացքում, այդ շաբաթների ընթացքում սովորում են ընտրած երեք մասնագիտություններից մեկը։

-Քանի՞ տարի է պետք ՍՄԱՐԹ քաղաքացի դառնալու համար և քանի օր է ինչ հաճախում ես ՍՄԱՐԹ կենտրոն։

-ՍՄԱՐԹ քաղաքացի դառնալու համար երկու տարի է անհրաժեշտ։ Ես երկու-երեք օր է, ինչ հաճախում եմ ՍՄԱՐԹ կենտրոն, չհաշված ներածական շաբաթը։ Այս երկու երեք դասերի  ընթացքում արդեն շատ բան եմ սովորել, ու, պատկերացնու՞մ եք` անվճար։

-Շատ լավ է։ Իսկ, ի՞նչ ես սովորել այս երեք օրերի ընթացքում։

-Ընդհանրապես երեք օրերի ընթացքում քիչ բան են սովորում, բայց դա ՍՄԱՐԹին չի վերաբերում։ Սովորել եմ մի քանի բան նվագել հարվածային գործիքների վրա, երաժշտական ժանրերին և գործիքներին ենք ծանոթացել, նաև հասցրել ենք երաժշտություն հավաքել օնլայն, և այս ամենը երեք դասերի ընթացքում։

-Քանի՞ ժամ է տևում մի դասը։

-Ամեն մի դասը երկու ժամ է տևում։ Երկու ժամ, բայց այնքան բավանդակալից, որ չենք հասցնում նկատել թե երբ անցավ այդ երկու ժամը։

-Շատ բարի, ասում էիր` երաժշտություն ունես հավաքած․․․ կուղարկե՞ս։

-․․․

– Շնորհակալություն հարցազրույցի  համար:

– Ձեզ  նույնպես:

Այսքանն էր մեր հարցազրույցը Արտյոմի հետ, կարճ` և բովանդակալից։ Հիշեցնենք, որ ՍՄԱՐԹ նորարարական հայեցակարգը փոխում է գյուղական Հայաստանի պատկերը՝ այն դարձնելով միջազգային համայնքի անքակտելի մաս։

Կարդալ ավելին` ՔՈԱՖ ՍՄԱՐԹ Կենտրոնի մասին։