Սիրուշո Վրեժի Մարկարյանը ծնվել է Գյումրիում։ Դե կարծում եմ, որ կարիք չկա նշելու, թե ինչ տաղանդների քաղաք է Գյումրին և բնականաբար Սիրուշոն ևս բացառություն չէ։

Սիրուշոն ավարտել է Գյումրու 《Ֆոտոն》 վարժարանը։ Այնուհետև նա մեկնել է ԱՄՆ, որտեղ ապրել է 3 տարի։

Ապրել է New York White Plains-ում և սովորել է Valhala High School-ում։ Ավարտելով դպրոցը` հայրենասիրությունից դրդված, վերադարձավ հայրենիք։

Սիրուշոյին մանուկ հասակում, երբ հարցնում էին, թե ի՞նչ մասնագետ է դառնաlու, նա միշտ պատասխանում էր, որ իրավաբան։ Ըստ Սիրուշոյի, նա սիրում է դասական հագուստը, դասական յուրաքանչյուր դետալ, որն էլ հարկավոր է իրավաբանին և նա վստահ է, որ ընտրել է կյանքի ճիշտ ուղին և հստակ քայլերով շարժվում է առաջ։

Այժմ Սիրուշոն սովորում է Երևանում՝ Եվրասիա միջազգային համալսարանի իրավագիտութան ֆակուլտետում։ Ապագա իրավաբան է։ Նրա ամենամեծ նպատակներից է սովորել արտերկրում՝ ավելի պատրաստված և հմուտ մասնագետ դառնալու նպատակով։

Սիրուշոն մանկուց սիրում է երգել և կարծում է, որ երաժշտությունը մարդու հոգու ձայնն է։ Մի քանի տարի շարունակ Սիրուշոն երգում է《Տիրամայր Հայաստան 》երգչախմբում, որի ղեկավար և դիրիժորն է Ռոբերտ Մլքեյանը։

Հաճախ է գնում հյուրախաղերի և շրջագայությունների հենց իր երգչախմբով և հանդես գալիս աշխարհի տարբեր բեմերում։

– Դե ինչպես բոլորը այնպես էլ ես ունեմ մի շարք հոբբիներ։ Սիրում եմ երգել, պարել, շփվել մարդկանց հետ։ Բայց այս մի քանի ամիսների ընթացքում հասկացա, որ ուզում եմ իմ իմացածը կիսել ընկերներիս հետ։ Որոշեցի ստեղծել իմ յութուբյան ալիքը, որտեղ կկիսվեմ իմ սիրելի զբաղմունքներով։ Շրջում եմ Հայաստանիս տեսարժան վայրերով, սովորում և սովորեցնում մարդկանց Հայաստանի պատմությունը։ Ի դեպ չեմ աշխատում դառնալ շատ ճանաչված և ունենալ միլիոնավոր հետևորդներ, ցանկանում եմ ունենալ ռեալ հետևորդներ, ում հետաքրքրում է իմ կատարած աշխատանքը,- ասաց Սիրուշոն։

Ի՞նչ տեսանյութեր ունե՞ք հրապարակած հարցին նա պատասխանեց այսպես․

– Տիեզերքն իմ տարերքն է։ Սիրում եմ երազել ու մտքով հասնել տիեզերք։ Ունեմ նաև պատրաստած տեսանյութ տիեզերքի մասին։ Սիրում եմ խոսել, կարդալ ու հետաքրքրվել աշխարհահռչակ մարդկանց կյանքով, որի մասին ևս ունեմ պատրաստած տեսանյութեր։

– Ո՞րն է Ձեր ամենասիրելի տոնը։

-Դե իհարկե Սուրբ Ծնունդը,- առանց մեկ վայրկյան մտածելու պատասխանեց նա,- Սուրբ Ծննդյան խորհորդը քչերն են հասկանում, սակայն այն ամենակարևոր տոներից է, որ պետք է տոնվի յուրաքանչյուր քրիստոնյա ընտանիքում։

Խոսքը եզրափակեց հետևյալ տողերով․

– Սիրում եմ մարդկանց, սիրում եմ ինքնակրթվել և կրթված մարդկանց։

Միշտ հիշե՛ք, Գիտելիքը մարդու սեփականությունն է և երբեք ոչ ոք չի կարող այն խլել Ձեզնից։ Գիտելիքով զինված մարդը հզոր է։

Ստորև տեղադրում եմ յութուբյան տեսանյութերը՝

Տիեզերք

Տեսարժան վայրեր