Հագեցած և հյութեղ հարցազրույց շոու-բիզնեսի ամենահամարձակ Ջուսի հետ։

Ո՞րն է Ջուսի ամենասիրելի զրույցի թեման։

Գիտեք էական չէ՝ ինչ թեմա է։ Կարևորը զրույցը լինի բովանդակալից և զրուցակիցը լինի հետաքրքիր մարդ։ Այդպես կոնկրետ թեմաներ չեմ առանձնացնի։

Ո՞վ է տղամարդու Ձեր իդեալը և ինչպիսի՞ն պետք է լինի իդեալական տղամարդը։

Երևի այդպիսի տղամարդ չկա, կամ դա մի քանի տղամարդկանց հատկանիշներ են, ոչ թե ողջը մեկի։ Եթե փորձեմ տալ արտաքին տվյալները, ապա նա պետք է լինի մոտավորապես 1.85 հասակով, շատ բարձրահասակ էլ չեմ սիրում, սպորտային կեցվածքով, կապուտաչյա սլավոնական կերպար։ Բնավորության գծերից կարևորում եմ տղամարդկային արժեքները, կարևոր է, որ ես լինեմ գնահատված, նա պետք է կարողանա միշտ հիացնել և քաջալերել ինձ։ Իդեալական տղամարդը պետք է լինի առատաձեռն։ Չպետք է խանդի, դա սարսափելի է, այսպիսի ազնվական տղամարդ (ժպտում է)։

Ջուս Դուք բավական ակտիվ, եռանդուն կերպար եք, կարողանու՞մ եք հետևել առողջապահության նախարարության հորդորին և մնալ տանը։

Այո, բայց քանի որ մայրս դուրս գալ չի կարող գնումների գնում եմ ինքս։ Տանը սպորտով եմ զբաղվում, ֆիլմեր եմ դիտում։ Անգամ տանը ազատ ժամանակ չունեմ, միշտ փորձում եմ որևէ զբաղմունք գտնել։

Ինչո՞վ եք օրվա հիմնական մասը զբաղվում։

Ինչպես արդեն նշեցի զբաղվում եմ սպորտով, մարզվում եմ։ Նշեմ նաև, որ սովորում եմ տարբեր երգեր, որպեսզի համաճարակից հետո ներկայանամ նորովի։

Ի՞նչը երբեք չեք ների։

Դավաճանությունը, և ինչու ոչ անխելքությունը (ժպտում է)։

Երբևէ եղե՞լ է, որ ինքներդ Ձեզ ասեք բավական է, թե՞ միշտ ուզել եք ավելին։

Նայած ինչին է խոսքը վերաբերում։ Այո երբեմն լինում է, որ ինքս ինձ ասեմ վերջ կամ այսինչ բանը ես չեմ անի։ Բայց կարիերայի հարցում ես միշտ ուզում եմ ավելին։ Երբ մրցանակներ եմ ստանում, որոշ ժամանակ անց նորն եմ ուզում ու միշտ ձգտում եմ հասնել ավելի բարձր կետերի։

Ջուս վերջում կուզեի խոսենք հետագա պլաններից, կա՞ նոր տեսահոլովակ նկարելու պլաններ։

Իհարկե, ինչպես գիտեք 2019 թվականի հոկտեմբերին թողարկել եմ «Շնորհավոր» տեսահոլովակը։ Ամեն տարի թողարկում եմ նոր տեսահոլովակ, բայց այս տարի պլանները մի փոքր խառնվել են , իսկ պատճառը բոլորիս համար պարզ է՝ համաճարակ։ Նշեմ որ երգիչ Սերգոյի հետ արդեն ունենք ձայնագրված դուետ, բավական հետաքրքիր, ռուսական փոփ ռոք ոճով։ Պետք է նկարենք տեսահոլովակ, բայց հստակ ասել թե երբ կլինի, չեմ կարող, քանի որ հիմա ֆինանսական վիճակը բոլորի մոտ այդքան էլ լավ չէ և հովանավոր գտնելը շատ բարդ կլինի։ Կարևորն այն է, որ երգը պատրաստ է և սպասում է իր տեսահոլովակին ու ես կարծում եմ, որ ամեն ինչ լավ կլինի։
Նաև DJ Artush-ի հետ համատեղ թողարկելու ենք իմ և Կարեն Օհանյանի «Tonight» երգի ռեմիքսը, այս անգամ իմ սոլո կատարմամբ։ Տեսահոլովակը պատրաստ կլինի կա՛մ աշնանը, կա՛մ ամռանը։