Սերգեյ Շահբազյան – «Կարիքի մեջ գտնվող հարյուրավոր ընտանիքներում թերսնվածությունը սովորական երևույթ է»
Ինձ համար մեծ պատիվ է ստեփանավանցի լինելը և իմ գործունեությունը ծավալել իմ հարազատ քաղաքում ։ Առաջիկայում նախատեսված է《Մեկ կիլոգրամ սնունդ》 բարեգործական ծրագիրը , որի շրջանակներում ստեփանավանցի 25 կարիքավոր ընտանիքներ կստանան օգնություն: Ստեփանավանի և տարածաշրջանի գյուղական բնակավայրերում վագոն-տնակներում իմ ամենօրյա դիտարկումներն ու ուսումնասիրությունները ցույց են տալիս, որ վաղուց շարքից դուրս եկած խարխուլ ու խոնավ վագոն-տնակներում, ինչպես նաև կիսախարխուլ շենք-շինություններում պատսպարված հարյուրավոր ընտանիքներ զրկված են կոմունալ-կենցաղային և հիգիենիկ տարրական պայմաններից:
Նրանցից շատերը գործազուրկ են, նրանց ապրուստի միակ միջոցը սոցիալական նպաստն է, հաշմանդամության թոշակը և կենսաթոշակները, որը չի բավարարում անգամ ծախսված էներգիայի վճարման և սննդի համար: Կարիքի մեջ գտնվող հարյուրավոր ընտանիքներում թերսնվածությունը սովորական երևույթ է: Սոցիալապես ծանր պայմաններում բնակվող անօթևան ընտանիքների առօրյա հոգսերը փոքր-ինչ թեթևացնելուն է ուղղված իմ այս բարեգործական ծրագիրը: Ես ունեմ միայն մեկ նպատակ իմ հարազատ քաղաքը տեսնել ապահով , բարեկեցիկ , կանաչ , վառ ու պայծառ ։ Մեր քաղաքը բոլորիս տունն է , այստեղ մենք տանն ենք , քաղաքում կան առկա բազում խնդիրներ , մենք պետք է զարգացնենք մեր քաղաքը ։ Առաջիկայում բարեգործական նմանատիպ նոր ծրագրեր են նախատեսվում , որի մասին կխոսեմ հետագայում : Շտապեցեք մարդիկ, կատարել գործեր, Հիշվող ու բարի, լի անուրջներով, Գունեղ ու թեթև, միշտ էլ հաճելի…
