Ռուզաննա Դավթյան – «Մոռացված նոտաներ»

Մատներս այդպես էլ կիթառ նվագել չսովորեցին,
Չսովորեցին քեզ նվագել ու ոչ էլ ռիթմը պահել։
Քեզ լարելու ձևն այդպես էլ չգտա՝
Ո՛չ ժամնակակից կիթառի ու ո՛չ էլ հասարակի վրա նվագել չկարողացա։

Դաշնամուրի վրա էլ մատներս դողացին,
Ու անունդ լուռ նոտայագրվեց սրտումս.

Սև ու սպիտակն իրարից չտարբերեցի,
Ու քեզ այդպես էլ նվագել չսովորեցի։

Սեղմում եմ սևը,
Ու դու գունաթափվում ես,
Ստեղնաշարդ չներկեցիր գունավոր ներկերով,
Ու ես դաշնամուրի վրա հազիվ կարողացա քեզ նոտայագրել ու ստեղծել նոր «ես»-դ։

Մատներս այդպես էլ հոգիդ նվագել չսովորեցին։