Աշխարհի ամենամեծ ընտանքը բաղկացած է 192 անձից։ Նրանք ապրում են Հնդկաստանի Միզորամ նահանգի Բակթվանգ կոչվող գյուղում: Ընտանիքի հայրը՝ Բակթվանգ գյուղի բնակիչ՝  Զիոնա Չանան ճանաչվել է աշխարհի ամենամեծ ընտանիք ունեցողը։ Զիոնա Չանանն ընդամենը 67 տարեկան է, սակայն հասցրել է դառնալ ռեկորդակիր՝ ունենալով աշխարհում ամենամեծ ընտանիքը։

67-ամյա հնդիկն ունի  39 կին, 94 երեխա, 33 թոռ և 14 հարս: Նրանք ապրում են մի տանիքի տակ։ Սակայն աղջիկներից 11-ն ամուսնացել և առանձնացել են ընտանիքից։

Ընտանիքում ամեն մեկն ունի իր գործը և պահպանվում է կարգապահություն։

Զիոնա Չանանի կանայք մաքրում են տունը, արդուկում և զբաղվում խոհանոցային գործերով։ Նրանք գրեթե ամեն գործ անում են ընտանիքով։ Զիոնան վստահեցնում է, որ նրանք ապրում են խաղաղ ու երջանիկ կյանքով։

Երեխաները ստանում են կրթություն, ընտանիքը պահպանում է բոլոր մշակույթները, տոնում բոլոր հիշարժան տոներն ու ծնունդները։

Տղաները սիրում են զբաղվել սպորտով և հաճախ են գնում հարակից տարածքներ, որպեսզի մասնակցեն սպորտային խաղերին և մրցույթներին։ Աղջիկները սիրում են պարել և ընտանիքով ասես պարի մեծ խմբակ լինեն։

Նրանց ամենօրյա ընթրիքն ասես հարսանիք լինի։ Ընթրիք պատրաստելու համար նրանք օգտաործում են մոտ 60 կգ կարտոֆիլ և եփում  100 կգ բրինձ:

181 անձից բաղկացած ընտանիքն ապրում է 4 հարկանի տանը։ Տունն ունի 10 սենյակ:

Հեղինակ՝ Մարինա Գեղամյան