Փաստեր գրքերի և գրադարանների մասին

 

Մեզանում տարածված կարծիք կա, թե գրքեր քչերն են մեր օրերում կարդում։ Մինչդեռ, օրինակ, Ամերիկայի Միացյալ Նահանգներում գրադարաններն ավելի շատ են, քան ՄաքԴոնալդս սննդի կետերը։ Ներկայացնենք գրադարանների և գրքերի մասին մի քանի հետաքրքիր փաստ ևս․

— ԱՄՆ-ի Կոնգրեսի գրադարանը ներկայումս ամենամեծն է, այնտեղ հավաքված է շուրջ 150 մլն օրինակ։ Գրադարանը տարեկան այցելում է 1․7մլն ընթերցող։

— Հին աշխարհից մեզ հասած ամենամեծ գրադարանը պատկանել է Ասորեստանի թագավոր Աշուրբանիպալին։ Հնագետները պեղել են 25000 սեպագիր կավե աղյուսներ։

— Աշխարհում գոյություն ունեն 150 գրադարաններ, ուր գրքերի փոխարեն մարդիկ են, որոնք կարդում են իրենց պատմվածքները։

— Նորվեգական կառավարությունը գնում է Նորվեգիայի տարածքում հրատարակված որևէ գրքի 1000 օրինակ՝ դրանք բաշխելով երկրի գրադարաններով։

— Ամստերդամի Սհիպհոլ օդանավակայանում 2010թ․ գործում է գրադարան, որտեղից կարելի է գիրք վերցնել «ազնիվ խոսքով»։ Եթե այցելուն ցանկանում է վերցնել իր հետ գիրքը, ապա պետք է փոխարենն այլ գիրք թողնի։

— Ֆրանսիայի ազգային գրադարանը գործում է 1368թվականից։

— Ֆիննական Վանտաա քաղաքի գրադարան աննկատ վերադարձվել է մի գիրք, որն այնտեղից վերցվել էր դեռևս 100 տարի առաջ։

— Ամենից ծանր գիրքը գտնվում է Բրիտանական թանգարանում, այն կշռում է 320կգ և ունի 1մ բարձրություն։

— ԱՄՆ-ի Սան Անտոնիո քաղաքում գործող գրադարանը յուրահատուկ է նրանով, որ նրանում թղթե գրքերի փոխարեն էլեկտրոնային գրքեր են։