«Պանդեմիան կմիավորի ամբողջ աշխարհի մարդկանց» | Բիլ Գեյթս
Բիլ Գեյթսը (Microsoft -ի հիմնադիրը) հույսով է, որ մարդիկ կորոնավիրուսը պանդեմիայից հետո կմիավորվեն:
«Հուսով եմ, որ կորոնավիրուսի պանդեմիան կմիավորի ամբողջ աշխարհի մարդկանց։ Երկրորդ համաշխարհային պատերազմից հետո մենք հաջողությամբ կարողացել ենք խուսափել այլ համաշխարհային պատերազմներից։ Եվ դա ֆենոմենալ է»,- ասել է Գեյթսը։
Նրա խոսքով՝ այդ գործում աշխարհին օգնել են միջազգային ինստիտուտները, այդ թվում՝ ՄԱԿ-ը, առողջապահության ոլորտում՝ Առողջապահության համաշխարհային կազմակերպությունը։
Գեյթսը նաև բացատրել է պանդեմիայի պատճառով Եվրոպական երկրների և ԱՄՆ-ի խնդիրների պատճառները։ Ըստ նրա՝ ասիական երկրները, ինչպես օրինակ՝ Թայվանը, Հարավային Կորեան, ավելի լավ են հաղթահարում համաճարակը, քանի որ նախկինում բախվել են այդ խնդրին։
Գեյթսի կարծիքով՝ պանդեմիան ավելի դժվար կհաղթահարեն զարգացող երկրները, քանի որ դրանց բնակչության առաջ այլ լուրջ խնդիրներ էլ կան. սննդի խնդիրը, մեկուսացումը, բժշկությունը և այլն։
Նա ընդգծել է, որ նման պարագայում կարևոր է հասկանալ գիտության զարգացման կարևորությունը և օգտագործել այն՝ ապագայի համաճարակների դեմ։
Բիլ Գեյթսի անունը հաճախ են կապում կորոնավիրուսի ծագման, պատվաստանյութերի ստեղծման, «cipavorman» և դավադրության այլ տեսությունների հետ։ Microsoft-ի հիմնադիրը պատվաստանյութերի, թեստավորման և բուժման ոլորտներում փորձագետ է։ Գեյթսն ու կինը՝ Մելինդան, ֆոնդ են հիմնադրել, որի միջոցով նրանք փորձում են պայքարել մալարիայի, ՄԻԱՎ-ի, պոլիմելիտի դեմ։
