Փանքեյքերն ամերիկյան փքուն բլիթներ են, որոնք տեսքով օլադիներ են հիշեցնում։ Փանքեյք պատրաստելու համար մեզ անհրաժեշտ են հետևյալ բաղադրիչները.

— ձու – 1 հատ

— Կաթ –  300 մլ

— շաքարավազ – 3 ճ/գդ

— կարագ – 2 ճ/գդ

— վանիլին – 2 թ/գդ

— փխրեցուցիչ – 2 թ/գդ

— աղ – 1 պտղունց

— ալյուր – 200 – 250 գրամ։

Ինչպես պատրաստել փանքեյք։         Կարագը հալեցնում ենք, այնուհետև թողնում ենք, որ սառչի։ Ավելացնում ենք կաթը, ձուն, շաքարավազը, վանիլինը, աղը և խառնում ենք։ Այնուհետև լցնում ենք ալյուրը և փխրեցուցիչը ու լավ հարում ենք։ Թավան տաքացնում ենք և չոր թավայի մեջ խմոր ենք լցնում ու եփում։ Եփում ենք միջին ուժեղության կրակի վրա, մինչև որ պղպջակներ գոյանան։Ահա և վերջ մեր փանքեյքը պատրաստ է։                                                               Ի դեպ, փանքեյքը կարելի է  մատուցել մեղրի, մուրաբայի, նուտելայի, թթվասերի, խտացրած կաթի և այլնի հետ։


 

Ձեզ նույնպես կարող է դուր գալ