Քաղաքակրթությունից դուրս՝ Դանի ցեղախումբ
Պապուա Նոր Գվինեան գտնվում է Օվկիանիայում։ Սկզբնական շրջանում գաղութացված է եղել։ 1975թ. սեպտեմբերի 16-ին Պապուան և Գվինեան վարչականորեն միավորվել ու անկախ են հռչակվել։ Այստեղ խոսում են մոտ 70 լեզուներով ու բարբառներով։
Բնակվում ցեղեր, որոնք պատկերացում չունեն՝ ինչ է կատարվում իրենց անծայրածիր ջունգլիներից այն կողմ, և նրանք ամեն ինչ անում են, որ քաղաքակիրթ համարվող ժամանակաշրջանը ոչ մի դեպքում չներխուժի իրենց ստեղծած աշխարհ։ Ինդոնեզիան փորձել է նրանց դարձնել ժամանակակից աշխարհի մի մասնիկը, բայց ապարդյուն։
Այս աշխարհում մինչև հիմա գործում են ցեղախմբային կանոնները։ Նրանց առօրյան չի տարբերվում նախամարդու ապրելակերպից։ Առհասարակ հագուստ չեն կրում, միշտ մերկ են։ Զբաղվում են որսորդությամբ ու ձկնորսությամբ սնունդն ու գոյությունն ապահովելու համար։ Նրանքի սովորույթները փոխանցում են սերնդեսերունդ։ Պապուա Նոր Գվինեայում միակ փոխադրամիջոցը ինքնաթիռն է, քանի որ գործում են միայն օդային ուղիները։ Դրանք վտանգավոր են օգտագործման համար, քանի որ շատ հին են։
Պապուա Նոր Գվինեա երկրի Վամենա քաղաքին մոտ Դանի գյուղում բնակվում է Դանի ցեղախումբը։
Դանի ցեղում կա սովորություն. զբոսաշրջիկներին դիմավորել իրենց սովորույթներով, փոքրիկ բեմադրությամբ։
50 տարի առաջ այստեղ ապրում էին մի քանի ցեղեր։ Նրանք իրար չէին հանդիպում, իսկ հանդիպելու դեպքում լինում էին ծիսակարգային պատերազմներ։ Նրանց նպատակը տարածքներ գրավելը չէր, այլ ապացուցելը, որ իրենք են տիրապետողն ու ուժեղը։ Վտանգի պատճառով այդ ժամանակաշրջանում զբոսաշրջիկներ չեն այցելել։
Այստեղ ընդունված է բազմակնությունը։
Երբ հարազատներից մեկը մահանում է, կանայք կտրում են իրենց մատները, այսինքն, նայելով նրանց ձեռքերին, կարելի է հասկանալ, թե քանի մտերիմ մարդ են կորցրել նրանք։
Չնայած նրանց հետամնաց լինելուն՝ նրանք հասկացել են, որ զբոսաշրջիկները իրենց հետ գումար են բերում, և նրանք սովորել են գումար աշխատել։ Դրա շահութաբեր տարբերակն էլ նախկին ցեղապետի մումիայի ցուցադրումն է ։
Դա Վիմատոկիի մումիան է, որն արդեն 375 տարեկան է։ Նա ամենահզորն է եղել, սպանել է 31 մարդու և ունեցել 9 կին։
Մումիայի գոյությունը ապացույց է , որ Վիմատոկին հորինված կերպար չէ։
Պահվում է այն տեղում, որտեղ ապրել է նա։ Կա սահմանված հատուկ հսկողություն, և արգելվում է մտնել տուն։
Մումիա ստանալու համար հեռացվել է առաջնորդի բոլոր օրգանները, այն պատել են խոզի յուղի հաստ շերտով ու ծխեցրել կրակի վրա։ Ամեն 5 տարին մեկ մումիան վերամշակվում է։
Այսպիսի սովորույթներով ու զարմանալի ձևով են ապրում Պապուա Նոր Գվինեայի բնակիչները։ Այնտեղ գնալով կարող ես որոշակի պատկերացումներ կազմել նախնադարյան մարդու ու իր կյանքի մասին։
