– Ի՞նչ է կյանքը, և ի՞նչ նպատակներ ունեք:

– Գունապնակ, որով գունավորում ես քո ամեն օրը: Ներկա պահին նպատակս բնության հետ է կապված, նոր տեսակի ծառերով հագեցնել մեր անտառները, օրինակ՝ ավոկադոի ծառեր տնկել և հետևել նրանց աճին:

– Ի՞նչ եք կարծում համաճարակը համախմբում է մարդկանց, թե՞ ավելի է պառակտում:

– Կարծում եմ, որ հայերի մեծ մասն անլուրջ է մոտենում վիրուսին, փոքր մաս են կազմում ցուցումներին հետևողները, ուստի պառակտումը ավելի ճիշտ կլինի:

– Ինչի՞ն եք առաջնահերթություն տալիս մարդկանց հետ ծանոթանալիս և ի՞նչն է Ձեզ վանում:

– Պարզությանը, անկախ ամեն ինչից սա ամենակարևոր հատկանիշն է ինձ համար: Մեծամասամբ մարդիկ շահամոլ, կեղծ, և ձևական են այսօր կարոտ կա պարզության և անկեղծության:

– Ինչի՞ վրա պետք է մարդ ուշադրություն դարձնի բիզնես սկսելիս:

– Շատ բարդ հարց էր, կարծում եմ պետք է վստահ լինել սեփական ուժերի վրա և չկոտրվել որևէ պարագայում:

– Եթե Ձեզ հնարավորություն ընձեռնվել անցյալում մեկ բան փոխել, ի՞նչը կլիներ դա:

– Ամեն ինչ զրոից կսկսեի և կանեի այն ամենը ինչ, ինչը ինձ դուր է եկել: Շատ անգամ սեփական ուժերիս անվստահության պատճառով չեմ քայլել իմ երազանքների ճանապարհներով:

– Ի՞նչ կոչ ունեք հայ հասարակությանը:

– Լինել անկեղծ, բարի, սիրել յուրաքանչյուրին և հանդուժող լինել: Այս ամենը ամենցանկալի հատկանիշներն են, որ այսօր մեր հասարակությանը խիստ անհրաժեշտ են:

Ձեզ նույնպես կարող է դուր գալ