Tesla-ի և SpaceX-ի հիմնադիր Իլոն Մասկը վստահ է, որ ուղեղում տեղադրված չիպը հնարավորություն կտա մարդկանց լսել երաժշտություն առանց կողմնակի սարքերի, հետևել առողջությանը և մրցել արհեստական բանականության հետ: Այդ մասին գրում է Ladbible-ը:

Ըստ Մասկի, իր Neuralink ստարտափի կողմից մշակվող տեխնոլոգիաները պետք է բարելավեն մարդկանց կյանքը: Օրինակ՝ ուղեղային նոր չիպը երաժշտությունը միանգամից կուղղի դեպի ուղեղ:

Գյուտարարը պատմել է նաև բժշկության մեջ չիպավորման հնարավորությունների մասին: Նա հայտարարել է, որ Neuralink-ը կարող է օգնել հորմոնների մակարդակի վերահսկմանը: Սա, իր հերթին, կարող է բարձրացնել զգոնությունն ու կենտրոնացումը, թեթևացնել անհանգստությունը: Բացի այդ, Մասկը չի բացառում, որ չիպը կկարողանա պայքարել կախվածությունների և դեպրեսսիայի դեմ:

Սկզբնապես, տեխնոլոգիան կարող է օգտագործվել ուղեղի հիվանդություններով , այդ թվում` Պարկինսոնի հիվանդությամբ հիվանդ մարդկանց օգնելու համար: Մարդկային ուղեղը համակարգչին միացնելու հիմնական նպատակը, ըստ Մասկի, հնարավորություն է տալիս մարդկանց մրցակցել առաջադեմ արհեստական բանականության հետ:

Ձեռնարկատերը Neuralink իմպլանտի տեղադրումը համեմատել է աչքերի լազերային վիրաբուժության հետ:

Նոր տեխնոլոգիայի փորձարկումներն արդեն սկսվել են կենդանիների վրա: Մարդկանց վրա փորձարկումները նախատեսվում են են այս տարվա վերջին, գրում է հրատարակությունը:

Neuralink նեյրոտեխնոլոգիական ընկերությունը հիմնադրվել է Մասկի կողմից 2016 թվականին և ներգրավել ավելի քան 150 միլիոն դոլարի ներդրումներ:

Ավելի վաղ Microsoft-ի հիմնադիր Բիլ Գեյթսը մեղադրվում էր կորոնավիրուսի ստեղծման և դրա դեմ պատվաստումների ներքո մարդկանց մեջ միկրոչիպի տեղադրման մտադրության մեջ: Միլիարդատիրոջ խոսքով՝ ինքը երբեք որևէ առնչություն չի ունեցել միկրոչիպերի հետ կապված ինչ֊որ բանի հետ: Ավելին, Գեյթսը նման տեսությունները համարում է «խենթ»:

Ձեզ նույնպես կարող է դուր գալ