Մրջնաբույն

Ժամանակն է պատրաստել անուշահամ մրջնաբույն։ Պատրաստման համար մեզ հարկավոր են հետևյալ բաղադրիչները՝

Խմորի համար՝

• 3 հատ ձու

• 1 բաժակ շաքարավազ

• 100գ կարագ

• 1 թեյի գդալ սոդա

• 1 սուրճի բաժակ կաթ

• մոտ 4 բաժակ ալյուր

Կրեմի համար՝

• 1 տուփ եփած խտացրած կաթ

• 250 գ կարագ

• վանիլին

Պատրաստման ընթացքը

Թասի մեջ հարում ենք ձվերը՝ պարբերաբար ավելացնելով շաքարավազը։ Այնուհետև ավելացնում ենք կարագը և լավ հարում։ Հետո խառնում ենք կաթը։ Այս ամենին ավելացնում ենք ալյուրն ու սոդան իրար հետ խառնած և հունցում։ Խմորը բաժանում ենք մոտ 4 գնդերի և դնում սառնարանում։ 3-4 ժամից հետո հանում ենք խմորը, անցկացնում ալրոտված քերիչով և բովում թավայի մեջ։  Մինչ թխած հատիկները սառչում են, պատրաստենք կրեմը։ Թասի մեջ  հարում ենք կարագը մինչև սպիտակի, այնուհետև ավելացնում ենք գդալ-գդալ խտացրած կաթը։ Ավելացնում ենք նաև մի քիչ վանիլին, և կրեմը պատրաստ է։ Թխած հատիկներն ու կրեմը խառնում ենք և ստեղծում մեզ համար հարմար ձև։

Բարի ախորժակ…