«Motorola Moto One Zoom» 4 տեսախցիկ և մատնահետքի սկաներ էկրանի տակ
«Motorola»-ն Բեռլինում «IFA 2019»-ին ներկայացրել է նոր սմարթֆոն, որը ստացել է հետևյալ անվանումը «Motorola Moto One Zoom»։ Սմարթֆոնը ստացելէ հզոր կենտրոնական պրոցեսոր «Snapdragon» ֆիրմայի, «OLED» տեսակի էկրան, 4000 mAh հզորությամբ մարտկոց և նոր սերնդի տեսախցիկ` 3x օպտիկական խոշորացմամբ։
Սմարթֆոնը ստացել է 6,39 դյույմ էկրան «Max Vision OLED» տեսակի, «Full HD+» էկրանային բանաձևով։ «Motorola» որոշել է հետ չմնալ իր մրցակիցներից և սմարթֆոնին շնորհել է նոր սերնդի մատնահետքի սկաներ, որը գտնվում է էկրանի տակ։ Նորեկի պատյանը կազմված է ապակուց և մետաղից, իսկ հետևի մասը ամբողջությամբ ծածկված է «Gorilla Glass 3» տեսակի ապակուց։ Կենտրոնական պրոցեսորի դերը կատարում է 8 միջուկանի «Snapdragon 675», 4GB օպերատիվ և 128GB ներքին հիշողությամբ։
Սմարթֆոնի գլխավոր խաղաքարտը դա հիմնական տեսախցիկն է։ Այն կազմված է 4 մոդուլից։ Հիմնականը 48MB կարող է 4 չորս պիքսել միավորել մեկի մեջ, որի շնորհիվ էլ օգտատերերը կարող են գեղեցիկ նկարներ ստանալ ոչ բավականին լուսավոր պայմաններում։ Օժանդակ մոդուլը 16MB կարող է նկարները ավելի մեծ դարձնել իր լայն անկյուն (117 աստիճան) օպտիկայի շնորհիվ։
Երրորդ մոդուլը 8MB կարող է պատկերը խոշորացնել 3 անգամ առանց որակը կորցնելու, շնորհիվ պատկերի կայունացման և մի շարք ոսպնյակների։ Վերջին մոդուլը՝ 5MB, օգտագործում է նկարի կետայնության խտության մեծացման տեխնոլոգիան։
Դիմային տեսախցիկը ստացել է 25MB։ Սմարթֆոնի սնուցման համար պատասխանատու է 4000 mAh հզորությամբ մարտկոցը, «Արագ լիցքավորման» տեխնոլոգիայով։ Սմարթֆոնը նաև ստացել է NFC չիպ և Android 9.0 Pie։
Վաճառքի դուրս կգա սմարթֆոնի մոխրագույն և մանուշակագույն տարբերակները 400€ արժողությամբ։
