Netflix-ը հայտնի է նրանով, որ խոշոր գումարներ է ծախսում այնպիսի ֆիլմերի վրա, որոնց ավանդական կինոստուդիաները զգուշությամբ են վերաբերվում: Business Insider֊ը կազմել է հոսքային ծառայության վեց ամենաթանկ կինոնկարների վարկանիշային աղյուսակը:

6. «Պայծառություն» (2017)

Բյուջե՝ 90 միլիոն դոլար (Աղբյուր՝ IMDb Pro)

«Պայծառությունը» Netflix-ի առաջին օրիգինալ ֆիլմերից մեկն էր, բայց ընկերությունը այնքան վստահ էր նախագծի վրա, որ նրա ստեղծման համար հատկացրեց 90 միլիոն դոլար: Գլխավոր դերում հանդես եկող Ուիլ Սմիթի դերակատարմամբ մարտաֆանտաստիկ կինոնկարը դուրս եկավ նախքան ընկերությունը սկսեց հանրայնացնել հանդիսատեսի քանակը: Ֆիլմի ռեյթինգը Rotten Tomatoes-ում կազմեց ընդամենը 28% -ը, բայց Netflix CCO Թեդ Սարանդոսը նախագիծը որակեց հաջողված և ասաց, որ քննադատները «չեն հասկանում դրա կոմերցիոն ներուժը»:

5. «Եռակի սահման» (2019)

Բյուջե՝ 115 միլիոն դոլար (Աղբյուր՝ Indiewire)

Netflix֊ը ռիսկի դիմեց ծախսելով հսկայական գումար 16+ կատեգորիայի ֆիլմի վրա և կարծես հաջողվեց: Պարզվեց, որ «Եռակի սահման» մարտաֆիլմը ծառայության պատմության մեջ ամենատարածվածներից մեկն է` էկրաններ դուրս գալուց հետո առաջին չորս շաբաթվա ընթացքում այն դիտվել է 63 միլիոն անգամ:

4. «Ուրվականային վեցնյակ» (2019)

Բյուջե՝ 150 միլիոն դոլար (աղբյուր՝ IMDb Pro)

Ռեժիսոր Մայքլ Բեյի «Ուրվականային վեցնյակը», Netflix-ի ամենահաջողված ֆիլմերից մեկն է: Ըստ ծառայության, այն ցուցակի չորրորդ տեղում է թողարկվելուց հետո առաջին չորս շաբաթվա ընթացքում 83 միլիոն դիտմամբ:

3. «Իռլանդացին» (2019)

Բյուջե՝ 159 միլիոն դոլար (Աղբյուր ՝ IMDb Pro)

Մարտին Սկորսեզեի երեք ու կես ժամ տևողությամբ գանգստերական էպոսը ստացել է Օսկարի տասը անվանակարգ: Չնայած ֆիլմը արձանիկ այդպես էլ չստացավ, այն չի ազդել նրա հանրաճանաչության վրա. Netflix-ը հաղորդել է, որ ֆիլմն իր առաջին չորս շաբաթվա ընթացքում ստացել է 64 միլիոն դիտում: Ծրագրի բյուջեի զգալի մասն հատկացվել է բարդ տեխնոլոգիաների ստեղծմանը, որը դերասաններին, այդ թվում` Ռոբերտ Դե Նիրոյին և Ալ Պաչինոյին, հնարավորություն տվեց ավելի երիտասարդ տեսք ունենալ:

2. «Կարմիր ծանուցում» (թողարկման ամսաթիվը հայտնի չէ)

Բյուջե՝ 160-200 միլիոն դոլար (Աղբյուր՝ Variety)

«Կարմիր ծանուցում» ֆիլմում գլխավոր դերերը կկատարեն Դուեյն «Ժայռ» Ջոնսոնը, Ռայան Ռեյնոլդսը և Գալ Գադոտը։ Նկարահանումները հետաձգվել էին այս տարվա սկզբին՝ կորոնավիրուսային պանդեմիայի պատճառով, և թողարկման ամսաթիվը դեռ հայտնի չէ: Բյուջեի զգալի մասը գնում է դերասանների աշխատավարձերին. յուրաքանչյուր ֆիլմի համար Գադոտն ու Ռեյնոլդը կստանան 20 միլիոն դոլար, իսկ Ջոնսոնի վարձավճարը կլինի նույնիսկ ավելի բարձր: Դա պայմանավորված է նրանով, որ, ըստ Variety-ի, նա հանդես կգա որպես նախագծի պրոդյուսերներից մեկը: Սկզբնապես հաղորդվել է, որ ֆիլմի բյուջեն կկազմի 200 միլիոն դոլար, սակայն Variety-ն ենթադրում է, որ ընդհանուր գումարը կարող է կրճատվել մինչև 160 միլիոն դոլար:

1. «Մոխրագույն մարդ» (թողարկման ամսաթիվը հայտնի չէ)

Բյուջե՝ ավելի քան 200 միլիոն դոլար (Աղբյուր՝ Deadline)

Ջո և Էնթոնի Ռուսսոները, որոնք հայտնի են Մարվելի «Avengers: Infinity War» և «Avengers: Endgame»–ով, նկարահանում են «Մոխրագույն մարդը» Netflix–ի համար»: Նրա բյուջեն կկազմի ավելի քան 200 միլիոն դոլար, այս պահին սա ռեկորդային գումար է ծառայության կինոնախագծերի համար: Ռուսո եղբայրները մտադիր են ստեղծել «Ջեյմս Բոնդի մակարդակի» ֆրանչիզա, որում կլինեն Քրիս Էվանսը (Կապիտան Ամերիկա) և Ռայան Ռեյնոլդսը: