Ինչպես  նշվել է արդեն,  այսօր՝  Ամերիկյան  համալսարանում,  տեղի  է  ունեցել «Ավրորա» մարդասիրական  նախաձեռնության  հերոսների  հետ  հանդիպումը: Հանդիպումից  հետո  հերոսներից  մեկը`  Միրզա  Դիննային հարցազրույց է տվել newsflow.am  կայքին:

– Պարոն  Դինայի, շնորհակալ  ենք  հարցազրույցի  հրավերն ընդունելու  համար: Ի՞նչն  է  Ձեզ  մղում  ծավալելու  նման  բարդ և  վտանգավոր  գործունեություն: 

– Երբ դու տեսնում ես, որ դու, քո համայնքը, քո շրջապատի մարդիկ գտնվում են վտանգավոր իրավիճակում, դու ականատես ես լինում բազում ջարդերի, զգում ես մարդու արժեքը և դա քեզ մղում է, որ ռիսկի ենթարկելով քո կյանքը՝ փրկես ուրիշներինը։

– Շատ  հետաքրքիր  է:  Ի՞նչ  զգացիք,  երբ «Ավրորայի» կողմից  հրավեր  ստացաք:

– Հիանալի  էր: Ես շատ ուրախացա  նման  պատվի  արժանանալու  համար։  Հրաշալի  է,  երբ  դու  մաս  ես  կազմում  «Ավրորայի» նման  ընտանիքի:

– Դուք  համարու՞մ  եք  Ձեզ  հերոս:

– Ես ինձ չեմ համարում հերոս, ես ուղղակի իմ գործն եմ կատարում: Ծավալում եմ այն գործունեությունը, որ պիտի անեմ։ Այստեղ բոլորն են հերոս։

– Ի՞նչ  կասեք  Սիրիայում  թուրքերի  կողմից  քրդական  խաղաղ  բնակչության  կոտորածների  մասին:

– Ուղղակի կատաստրոֆիկ է։ Այնտեղ չկա բարության ոչ մի կաթիլ, գնում է ջարդ։ Չկա այնտեղ ոչ մի խաղաղություն։ Այն պլանը, որով գործում են թուրքերը, բավականին ծանր ու վտանգավոր հետևանքներ է ունենում Սիրիայում քրդական համայնքի խաղաղ բնակչության վրա։ Նրանք խլում են խաղաղությունը։ Այս գործընթացին պետք է վերջ դնել։

– Եվ  վերջում,  կցանկանայի՞ք  Հայստանում թիմ  հավաքել  և  այդ  թիմով  գնալ  Սիրիա`  տեղի  քրդերին  օգնելու:

– Որոշակի թիմով այնտեղ գնալը հիանալի գաղափար է, և ես պատրաստ եմ գնալ այնտեղ, որպեսզի կարողանանք օգնել, գոնե մի փոքր բարություն դրսևորել տեղի խաղաղ բնակչության հանդեպ։

– Շնորհակալություն  հարցազրույցի  համար:

* Ձեզ նույնպես:

Հիշեցնենք,  որ  Միրզա Դինային «Լյուֆթբրյուքե Իրաք» («Օդային կամուրջ») կազմակերպության համահիմնադիրն է և տնօրենը: Մարդասիրական կազմակերպությունն Իրաքից Գերմանիա է տեղափոխում «Իսլամական պետություն» ահաբեկչական խմբավորման բարբարոսություններից տուժած եզդիներին և ցուցաբերում բժշկական օգնություն: Դինային օգնել է հարյուրավոր կանանց փախչել «Իսլամական պետության» կողմից վերահսկվող տարածքներից, անձամբ ներգրավվել նրանց անվտանգ վայր տեղափոխելու աշխատանքներում եւ ջուր ու սնունդ հասցրել մեկուսացման մեջ գտնվող եզդիներին: Առաջնորդվելով մարդկանց փրկելու մեծագույն ցանկությամբ՝ նա կարողացել է ճանապարհներ գտնել եւ հաղթահարել բազմաթիվ բյուրոկրատական, տեղափոխման հետ կապված խոչընդոտներ՝ օգնելով ամենակարիքավորներին:

Միրզա  Դինայիին մանրամսն  կարող  եք  ծանոթանալ`  անցնելով  հղումով:

 

Ձեզ նույնպես կարող է դուր գալ