Մերի Միրզոյան – «Իրավունքի փառատոնի բացում | Ես կին եմ»

Սիրով հրավիրում ենք «Հոդված 3» իրավունքի փառատոնի բացմանը։ Այս տարի փառատոնի մեկնարկը կտրվի «Ես կին եմ» թատերական ներկայացմամբ։

Արդեն երկրորդ տարին անցկացվող «Հոդված 3» իրավունքի փառատոնն այս տարի նվիրված է ատելության խոսքի դեմ պայքարին և տեղի կունենա սեպտեմբերի 14-20-ը Երևանում և Վանաձորում՝ «Ես էլ եմ այստեղ» խորագրով։

Պատահական չէ թատերական ներկայացման ընտրությունը․3 կին, 3 տարբեր՝ շատ ծանոթ պատմություններ, 3 չստացված ճակատագրեր, որոնք բեմից խոսում են քեզ հետ: Բոլորն էլ հիշում են իրենց ծննդավայրը, ծնողների ու մասնավորապես հոր կերպարը և վերջապես՝ շրջապատի կարծիքը: Ամենամոտ ու հեղինակավոր՝ հարազատներից մինչև անմիջական շրջապատ, սրանք են այն որոշիչ գործոնները, որ կարող են կործանել յուրաքանչյուրին: Հենց այդպես էլ լինում է:Ներկայացման սցենարը հիմնված է հոգեբանական ծառայություն դիմած երեք կնոջ կյանքի պատմության վրա։

Աղբյուրը ՝ Facebook.com