Մերի Գագիկի – «Քանի արվեստներ»
Քանի՜ արվեստներ
Ինձ բաժին ընկան։
Ու քանի արվեստ
Թողեցի կիսատ։
Սիրո արվեստին
Միշտ քաջատեղյակ,
Կորցնելու արվեստն էլ
Ինձնից անպակաս։
Պարի արվեստին
Ինձ ընտելացրած,
Գրչի արվեստն եմ
Յուրացնում հիմա։
Հավատի արվեստը
Նույնիսկ հյուր եկավ,
Հյուրընկալեցի՝
Բնակվեց իմ մեջ։
Ապրելու արվեստը
Փորեցի, պարզվեց,
Որ միայն շնչելը
Ապրել չէ ավա՜ղ։
Շատ արվեստներ են
Քնել իմ ներսում
Ու շատ արվեստներ
Կապրեն իմ հոգում,
Սակայն չի ապրի,
Չի ապրի այնտեղ
Ատելու արվեստը ՝
Ինձ անհասանելի…
Աղբյուր` facebook.com
Ինչպիսի՞ն է ձեր արձագանքը
Զվարճալի
0
Օգտակար
0
Սիրելի
0
Վստահ չեմ
0
