– Առհասարակ ի՞նչ է նկարչությունը Ձեզ համար:

– Նկարչությունն ինձ համար մի աշխարհ է, որտեղ ապրում եմ և ստեղծագործում, արտահայտում եմ իմ սերը բնության, գույների հանդեպ, նկարչությունն իմ կյանքն է, այն գեղեցիկը տեսնելու և զգալու հնարավորություն է:

– Ի՞նչն է Ձեզ ոգեշնչում:

– Ինձ ոգեշնչում է հատկապես բնությունը իր բոլոր եղանակներով, սիրում եմ նկարել բնության գրկում, անգամ մի փոքրիկ ծառի ճյուղը կարող է ոգեշնչման աղբյուր հանդիսանալ, նկարելով փորձում եմ հասկանալ նրան՝ բացահայտելով նոր երանգներ:

Բնությունը հոգի է, որը նոր շունչ արթնացրեց իմ մեջ, երբ ես փորձեցի փնտրել նրա մեջ թաքնված վեհին ու կատարյալին ձգտելու բանալին: Գտնելով բանալին ինձ տրվեց անսահման հնարավորություն Աստծուն մոտ լինելու, անգամ կարողացա տեսնել Աստծո ժպիտը` արևի ու նրա առկայծող շողերի տեսքով, որովհետև Աստված խոսում է լույսի լեզվով:

«Առկայծում» Մելինե Մաթևոսյան

– Ի՞նչ պետք է ունենա սկսնակ նկարիչը:

– Սկսնակ նկարիչը պետք է օժտված լինի տաղանդով, ամենակարևորը լինի աշխատասեր, ունենա երևակայություն, սեր արվեստի նկատմամբ։

– Ո՞րն է Ձեր կյանքի կարգախոսը:

– Իմ կյանքի կարգախոսն է՝ Արվեստը միշտ հաղթում է…

– Ի՞նչ կոչ ունեք հայ հասարակությանը:

– Հայ հասարակությանը կոչ եմ անում երբեք չհեռանալ արվեստից, որովհետև արվեստը բարություն է, այն հավերժություն է և վեհ զգացմունք, եթե կա քո մեջ տաղանդ, ապա պետք է օգտվել այդ ընձեռնված հնարավորությունից և զարգացնել այն։

 

Ձեզ նույնպես կարող է դուր գալ