Տվյալները ցույց են տվել, որ տոպոֆենի կիրառումը կարող է ապահով և արդյունավետ այլընտրանքային տարբերակ լինել այն մարդկանց համար, ովքեր տառապում են սուր միգրենից, գրում է Zee News-ը: Էքսպերիմենտին մասնակցել են 48 կամավորներ, ովքեր պարբերաբար ունենում են էպիզոդիկ գլխացավեր: Քսուքը անհրաժեշտ էր քսել մաշկի վրա` եռորյակ նյարդի շրջանում, որը պատասխանատու է դեմքի զգացող և շարժիչ ֆունկցիաների համար: Դեղամիջոցի կիրառումը նվազեցրեց ցավը և սիմպտոմները, որոնք կապված են միգրենի հետ, ինչպիսիք են սրտխառնոցը, լույսի և ձայնի նկատմամբ գերզգայունությունը: Հիվանդների 77%-ը ունեցան ցավի զգացողության և սիմպտոմների թուլացում, 45%-ը ցավի թուլացում ունեցան 2-24 ժամ:

Հիվանդները, ովքեր բուժել են գլխացավը քսուքի միջոցով, նվազագույնը երեք անգամ ավելի հաճախ են ունենում ցավերի միաժամանակյա թեթևացում: Կողմնակի ազդեցություններից դիտվում է միայն մաշկի թեթևակի գրգռում, որը հեշտությամբ անցնում է:

Երկրի բնակչության մոտավորապես 14%-ը տառապում է միգրենից: Ըստ վիճակագրության տանջող գլխացավերով կանայք ավելի շատ են տառապում, քան տղամարդիկ: