Փորձարարական վակցինան կդադարեցնի խլամիդիոզի տարածումը
Գիտնականները փորձարկել են նոր վակցինա խլամիդիոզի պրոֆիլակտիկ բուժման համար: CTH522 վակցինան փորձարկվել է առողջ կամավորների վրա և համարվել է ոչ միայն ապահով, այլ նաև ունակ խթանելու իմուն պատասխանը:
Հետազոտմանը մասնակցել են 35 առողջ կանայք: Մի մասին տրվել է վակցինան, մյուսներին պլացեբոն: Բացասական կողմնակի երևույթներ չեն գրանցվել վակցինան ներարկման միջոցով օրգանիզմ ներմուծելու պարագայում: Չեն գրանցվել նաև լուրջ կողմնակի ազդեցություններ վակցինան ինտրանազալ ուղիով օրգանիզմն ներմուծելու պարագայում: Վակցինան առաջացրեց ուժեղ իմունային պատասխան և արտադրվեցին հակամարմիններ խլամիդիոզի պաթոգենի դեմ:
Ըստ վիճակագրության սեռական կյանքով ապրող երիտասարդների 5-15 % վարակված է խլամիդիայով: Հազվադեպ հիվանդությունն ընթանում է անսիմպտոմ: Վարակի հետևանք են արթրիտը, մաշկային վնասումները, պրոստատիտը, փոքր կոնքի օրգանների հիվանդությունները, հղիության բարդացումը և բազում այլ խնդիրներ:
