Ռուս գիտնականներն արյան մեջ շաքարի մակարդակը որոշելու նոր մեթոդ են հայտնագործել
Լոմոնոսովի անվան Մոսկվային պետական համալսարանի գիտնականներն արյան մեջ շաքարի մակարդակը որոշելու նորարարական մեթոդ են ստեղծել: Ինչպես գրում է ren.tv-ն, այս մեթոդը թույլ է տալիս հատուկ բիոսենսորների միջոցով կատարել քրտիքի անալիզ ու որոշել արյան մեջ գլյուկոզայի մակարդակը:
«ՄՊՀ քիմիայի ֆակուլտետի աշխատակիցները ստեղծել են արյան մեջ շաքարի մակարդակի որոշման ոչ ինվազիվ մեթոդ: Կենսական նշանակություն ունեցող այս ցուցանիշը վերահսկողության տակ պահելու համար գիտնականներն առաջարկում են անալիզի ենթարկել քրտինքը: Հետազոտողները կամավորների մասնակցությամբ թեստերի արդյունքում ապացուցել են, որ շաքարային դիաբետի մշտադիտարկման համար բավական է միայն արյան ու քրտինքի միջև կոռելյացիան», – հայտնում են համալսարանի մամուլի ծառայությունից:
Մասնագետների խոսքով՝ նախկինում արյան մեջ շաքարի մակարդակը մաշկի միջոցով հստակ պարզել չէր հաջողվում, սակայն այս նոր հայտնագործությունը թույլ կտա շաքարային դիաբետով տառապողներին հրաժարվել ամենօրյա արյան անալիզներից:
Նշենք, որ Առողջապահության համաշխարհային կազմակերպության տվյալներով՝ շաքարային դիաբետով տառապում է մոլորակի բնակչության 5%-ը: Սա բավական լուրջ հիվանդություն է, որը կարող է շատ վտանգավոր հետևանքներ ունենալ: Շաքարային դիաբետի հնարավոր բարդությունների շարքին են դասվում սրտանոթային հիվանդությունները, կուրությունը և անգամ վերջույթների անդամահատումները:
Աղբյուրը` tert.amhttps://www.tert.am/medicine/am
