Զարգացող մասնագիտություններ

Օրեցօր զարգացող աշխարհը ստիպում է մարդկանց ընտրել այնպիսի մասնագիտություններ, որոնք մոտակա տարիներին կլինեն ակտուալ և պահանջված, քանի որ նույնիսկ 10 տարի առաջվա փորձը շատ ոլորտներում արդեն հնացած է համարվում։

Կիսվենք ձեզ հետ ամենապահանջված մասնագիտություններով

1. IT մասնագետ
Բիզնեսի, ֆինանսական համակարգերի և արդյունաբերական տեխնոլոգիաների զարգացմանը զուգընթաց մեծանում է նորարարական ծրագրեր ստեղծելու անհրաժեշտությունն ու լավ մասնագետների պահանջը։ Ենթադրվում է, որ արդեն 2026-ին համաշխարհային շուկայում 1,2մլն նոր մասնագետի պահանջ կլինի։

2. Թվային մարքեթինգի մասնագետ
Աշխարհը դառնում է թվային։ Օրեցօր կատարելագործվող սպառողական շուկայում թվային կոնտենտի կամ մարքեթինգի մասնագետների անսպառ պահանջ կա, ի դեպ՝ նաև ֆրիլանս։

3. Տվյալագետ
Տվյալագիտությունը կիրառելի է առողջապահության, գյուղատնտեսության, բանկային և մի շարք այլ ոլորտներում։
Տվյալագետը, օգտագործելով մաթեմատիկական, վիճակագրական մեթոդները և ալգորիթմները, տվյալների հիման վրա բացահայտում է օրինաչափություններ և իրականացնում կանխատեսումներ, որոնք անմիջականորեն կարող են օգտագործվել պրակտիկայում և բիզնեսում:
Այս մասնագիտությունն այսօր արդեն իսկ խիստ պահանջված է և ակտուալ։

4.3D տպագրության տեխնոլոգիա
Այս նոր տեխնոլոգիան գնալով լայն տարածում է ստանում և օգտագործվում է «նախատիպեր» ստեղծելու և վաճառքի համար: 3D տպագրությունն ավելի լայնորեն կիրառվում է կենսաբժշկական, ավիացիոն, ավտոմոբիլային արդյունաբերության և շատ այլ ոլորտներում:

5. Քամու և արևային էներգիայի մասնագետ
Կլիմայի փոփոխությանը համընթաց մեծանում է մաքուր էներգիայի ստեղծման անհրաժեշտությունը։ Քամու և արևային էներգիան մարդկության ապագան են թե՛ կլիմայի պահպանման և թե՛ գումար խնայելու տեսանկյունից։

6. Կիբերանվտանգության մասնագետ
ՏՏ անվտանգությունը համակարգչային համակարգերի պաշտպանությունն է։
Կիբերանվտանգության դաշտը դառնում է առավել կարևոր համակարգչային համակարգերի՝ ինտերնետից կախվածությունը մեծացնելու պատճառով, սմարթֆոնների, հեռուստացույցների և այլ սարքավորումների աճի շնորհիվ:

7. IT բժիշկ
Մասնագետ, որը կատարյալ տիրապետում է բժշկությանն ու ծրագրավորմանը։ Մոտ ժամանակներում հիվանդն այլևս կարիք չի ունենա հասնել հիվանդանոց և սպասել։ Ցանկացած անձ կկարողանա online համակարգով պատմել ինքնազգացողության մասին և անմիջապես ստանալ թե՛ բժկի խորհրդատվություն և թե՛ անհրաժեշտ դեղեր։

8.Ֆիզիոթերապևտ
Կյանքի որակի զգալի փոփոխման արդյունքում մեծանում է պրոֆեսիոնալ ֆիզիոթերապևտների պահանջը։ Անընդհատ լարված և նստակյաց աշխատանքից հետո շատերն են զգում մասնագիտական մերսման կարիք։

Իսկ ապագայի 2 հետաքրքիր մասնագիտություններից նշենք

9.Տիեզերական տուրիզմի էքսկուրսավար
Մոտակա 10 տարում մեզ հաստատ պետք կլինեն էքսկուրսավարներ, որոնք կներկայացնեն տուրիստներին Տիեզերքի տեսարժան վայրերը։

10.Թվային լեզվաբան
Ապագայի այս մասնագիտությունը մեքենայի լեզուն հասկանալի և կենդանի կդարձնի մարդկանց համար։ Թվային լեզվաբանները կաշխատեն online թարգմանիչների, որոնողական համակարգերի և այն ռոբոտների հետ, որոնք «կխոսեն» մարդկանց հետ:

Այսօր զարգացման ռիթմն ամենամեծ խնդիրներն առաջացրել է կրթական ոլորտում, քանի որ կրթական հաստատություններում դասավանդվող գիտելիքները պարբերաբար հնացած են դառնում։

Այդ պատճառով շատ կարևոր է ինքնակրթումը և ինքնազարգացումը