Մարիամ Հովհաննիսյան – «Սոֆի Լորեն և Կառլո Պոնտի»
Ամուսինը նրան սովորեցրել էր հարդարվել, ճոճել կոնքերը, կարդալ դասականներ և իրեն դրսևորել հասարակության մեջ: Նրանց սերը վրդովեցրել էր ողջ Իտալիան, բայց և այնպես նրանք իրենց թույլ տվեցին իսկապես երջանիկ լինել։
Պոնտին Սոֆիային ասում էր, որ նա շատ լավն է և մի օր դառնալու է կինոաստղ. պարզապես պետք է նիհարել՝ հատկապես կոնքերի հատվածում և մի փոքր էլ քիթը փոքրացնել։Սոֆիան չէր ուզում դա լսել. ինքն իրեն այդպես դուր էր գալիս, և դա բավական էր։Նա ասում էր, որ ինքն իր մեջ ոչինչ չի ցանկանում փոխել։
Այս խոսքերից հետո Պոնտին սկսեց ավելի ու ավելի հարգել նրան. նա սովոր էր, որ աղջիկները հայտնի դառնալու համար պատրաստ են ամեն ինչի։Ուստի չէր կարող հրաժարվել Սոֆիային աստղ դարձնելու բաղձալի մտքից։ Նա իրեն զգում էր ինչպես մի ոսկերիչ, ով ձեռք էր բերել հազվագյուտ, բայց չմշակված ադամանդ:
Պոնտին ամբողջ ամիսներ էր անցկացնում Սոֆիայի հետ. նա սովորեցնում էր խոսել առանց նեապոլիտանական առոգանության, սովորեցնում էր ինչպես ճիշտ հարդարել և սանրել մազերը, որպեսզի չնմանվեր զվարճալի գավառացի կնոջ, ստիպում էր կարդալ դասական գրականություն և լսել դասական երաժշտություն… նույնիսկ սովորեցնում էր գեղեցիկ քայլել. նա երկու շարքով գրասեղաններ էր դնում բաց դարակներով, և Սոֆիին ստիպում փակել դրանք՝ անցնելով կողքով և թափահարելով կոնքերը։ Նա նաև հորինել էր Սոֆի Լորեն կեղծանունը և նրա համար կնքել բազում շահութաբեր պայմանագրեր։
Սոֆի Լորենն ու Կառլո Պոնտին միասին ապրեցին շուրջ կես դար. Ցավոք Պոնտին չապրեց մինչ ոսկե հարսանիք։Սոֆին միշտ ասում էր, որ առանց ամուսնու նա երբեք չէր դառնա այն, ինչ կար, և որ այս սերը նրան տրվել է Աստծո կողմից:
