Մարգիտ Մադարաս
Կենսագրություն
Մարգիտ Լաուրա Մադարասը ծնվել է Բուդապեշտում, թռչնաբան և բնանկարիչ Գյուլա Մադարասի և Մարգիտ Մարիա Լիգետիի ընտանիքում: Նրա մայրական պապիկն է եղել բնանկարիչ Անտալ Լիգետին: Մադարասի քույրերը՝ Կատալին և Սարոլտա Ցերիները նույնպես թենիսիստուհիներ են եղել:
Գործունեություն
Մադարասն առաջին հունգարացի կինն է, որ հանդես է եկել թենիսի միջազգային մրցաշարում: Նա 1901 թվականին թենիսի մրցաշարերի է մասնակցել Budapest Lawn Tennis Club-ի կազմում: 1903 և 1904 թվականներին եղել է Հունգարիայի ազգային չեմպիոն: 1907 և 1908 թվականներին Համբուրգում հաղթել է կանանց անհատական մրցաշարում: 1907 և 1908 թվականներին խաղացել է Մոնթե Կառլոյում: 1908 թվականի մեկնաբանություններից մեկում ասվում է, որ Մադարասը ներկայացել է իր ամբողջ կարողությամբ: Որակավորվել է մասնակցելու 1908 թվականի Լոնդոնի ամառային օլիմպիական խաղերին, բայց չի մրցել, փոխարենը ամուսնությունից հետո հեռացել է թենիսից:
Անձնական կյանք
Մադարասն ամուսնացել է երկու անգամ: 1908 թվականին ամուսնացել է Պալ Կունցի հետ (մահացել է 1915 թվականին), երկրորդ անգամ՝ 1916 թվականին Կարոլի Տուրաոցիի հետ: Նախքան Երկրորդ համաշխահային պատերազմը Բուդապեշտում եղել է սոցիալական տնտեսուհի: 1947 թվականին այրիացել է: Մահացել է 1959 թվականին 74 տարեկանում:
