Հայաստանը պետություն է.

այստեղ երկիր, քաղաք ու պետություն…մարդիկ չեն սեփականաշնորհվում…
Ինչ-որ մի պահի պարզվեց, որ մենք արժեքների երկրաշարժ ենք շրջանցել: Ու փոխվել եք:
Երկար ժամանակ էր պետք հավատալու համար, որ ճոռոմաբանությունը ոչ մի բանի մասին է:
Տարիներ կորցրեցինք, մի քիչ մենք, ավելի շատ մեր ծնողները:
Դա չընդհատվող վազք էր <<միջոցների ետևից>>, որ նպատակ բառով է արդարացվում.
Եթե մի շնչի պահին թաքուն հարցադրում անեիք, գուցե ձեր վազքից՝ մենք նստած տեղում շնչակտուր չլինեինք…
Բայց և այնպես մարդիկ եկան ձեր ետևից՝ նպատակով, ազնիվ, պարկեշտ, լավ մտքերով… Հայաստան սիրող մարդիկ… հավատն էլ սեփականաշնորհվեց… այդպիսի տարիներ էին…
Բոլորս սկսեցինք վազել… չոր հացի, կացարանի, փողի, հետո ավելի շատ փողի հետևից…
Բայց…..
Ներեք մեզ, և հանդուրժող գտնվեք արդարության հանդեպ, մենք լավը թվալու փոխարեն, ձգտելու ենք լավը լինել, որովհետև մեր ականջներում արդարության, ազնվության, գումար վաստակելու, հնարավորություններ տալու ու ստանալու, <<ճշտի>> մասին աքսիոմատիկ ձևակերպումները խլացել են պատկերացումներ են փոխվել:
Հայաստանը պետություն է, ոչ թե տարածք, որտեղ դղյակներն ու խրճիթները կողք կողքի են, և որ խրճիթում ապրողը դղյակում ապրելու ցանկությունից փորձում էր նմանվել դղյակատիրոջը:
Մի օր պարզվեց, որ կա սերունդ, որին չի հերիքում միայն այն, որ ինքը հիմա լույս ունի, կիսատություն կա, նաև իր հարմարավետության մեջ, որովհետև, շուրջը կիսատ են սնվում:
Կա ժողովուրդ, որին չի հերիքում միայն ծառա չլինելը:
Հայաստանը այլևս պետություն է, ոչ թե տարածք, որտեղ տերեր ու ծառաներ էին ապրում:
Հայաստանը այլևս պետություն է, ոչ թե տարածք, որտեղ հավասարության մասին ճառերը միայն աղքատների համար էին գրված:
Մենք համոզված ենք, որ օրենք գրողը թզբեխակիրները կամ թե <<դղյակատերերը>> չեն:
Հայաստանը պետություն է, այստեղ երկիր ու քաղաք ու պետություն չի սեփականաշնորհվում…
Այստեղ հացի ու հողի արժեք իմացող ժողովուրդ է ապրում: Մեզ համար արժեքն է կարևոր. տարիներով արժեքի գին եք սակարկել:
Տաք երկրում օրենքով ու սիրով, լավ մտքերով, <<առանց միջնորդների>>, արարելու ձգտումով ենք ապրելու:
Մենք վերադարձրել ենք հավատը սեփական ուժերի նկատմամբ:
Հ.Գ. Հայաստանը այսպիսին տեսնողի, այսպես սիրողի հավատը չկոտրեք: