Լիլիթ Մկրտչյան – «Քո սերը ինձ տվեցիր»
Քո սերը ինձ տվեցիր
Ու քո սիրով
ինձ պարուրեցիր,
Քո սերը ինձ տվեցիր
Ու անունդ
սրտումս դաջեցիր,
Քո սրտի հասցեն
Դռանս շեմքում թողեցիր։
Մի օր կիմանաս…
Կիմանաս,որ մի աղջիկ
Խելագարվել է
Ծովի ափին
Անդադար նստելով՝
Ու քեզ սպասելով։
Ու դու կհասկանաս,
Որ քեզ ու քո սիրուն
Սպասելուց եմ ես
Խելագարվել,
Ու խելագարվել եմ
Այն ծովի ափին,
Որտեղ և մեր
Սրտերը իրար
Միաձուլվեցին
Ու մեծ սեր
Հյուսեցին։
Ու մի օր կիմանաս…
Կիմանաս,որ դեռ
Քեզ եմ սպասում
Հենց այդ նույն
ծովի ափին,
Թեկուզ և խելագարված,
Թեկուզ և քո սիրուց մերժված,
Թեկուզ և մեռած
Ինչպիսի՞ն է ձեր արձագանքը
Զվարճալի
0
Օգտակար
0
Սիրելի
0
Վստահ չեմ
0
