Ճանաչիր ինձ – Լիլիթ Գալստյան

Ողջույն, ես Լիլիթն եմ…

Ծնվել ու մեծացել եմ Գյումրիում, 17 տարեկան եմ:

Այժմ զբաղվում եմ լուսանկարչությամբ և ապագայում էլ ցանկանում եմ խորանալ այդ ոլորտում:  Որպես երկրորդ մասնագիտություն ընտրել եմ ճարտապետությունը, հուսով եմ այն էլ ինձ համար կդառնա հոգեհարազատ:

Ազատ ժամանակ դիտում եմ ֆիլմեր, անիմեներ, կարդում եմ, երաժշտություն եմ լսում, նվագում: Հաճախ պարում եմ, երեկոյան սիրում եմ զբոսնել:

Ինչպես կյանքիս մյուս լավ դեպքերը տեսախցիկը նույնպես իմ ձեռքում շատ պատահական է հայտնվել: Թումոյում մասնակցեցի լուսանկարչության դասընթցի ու հասկացա, որ այն իմն է:

Լուսանկարչության մեջ չկա ճիշտ ու սխալ, ճիշտ է կան կանոններ, որոնք եթե լավ իմացար կարող ես «լավ խախտել»: Լուսանկարչությունն ազատ է, այդ ազատությունն է, որ ինձ գրավում է:

Սիրելի լուսանկարիչներս շատ են՝ Անրի Քարտիեր-Բրեսոն, Ռիչարդ Ավեդոն, Հելմութ Նյուտոն, Եվա Առնոլդ, Ալեսիո Ալբի, Sամպաոլո Սգուրա, Պիտեր Լինդբերգ, Դեյմոն Բեյքեր, Վահան Ստեփանյան: Առանձնահատուկ ուզում եմ նշել Արամ Կիրակոսյանին, որպես հայ լուսանկարիչ նա ինձ համար ամենա-ամենաներից է: Նրան պետք է պարտադիր հետևել:

Ապագայում ցանկանում եմ խորանալ fashion photography-ի մեջ և համագործակցել տարբեր ամսագրերի և նորաձևության տների հետ: Երազում եմ ճանապարհորդել և իհարկե դառնալ լավ ճարտարապետ: 

Ուզում եմ հասնել իմ բոլոր նպատակներին ու երազանքներին, որ ձայնս հասանելի դարձնեմ աշխարհին, որովհետև լիքը բան ունեմ պատմելու: Դրա լավագույն միջոցը լուսանկարչությունն է, որը հնարավորություն է տալիս ոչ թե բառերով ասել, այլ ցույց տալ: