Ճանաչիր ինձ – Լիլիթ Ապրեսյան
Ողջու՜յն,ես Լիլիթն եմ,17 տարեկան։Ապրում եմ Գեղարքունիքի մարզի Ճամբարակ քաղաքում։Սիրում եմ նկարել, ազատ ժամանակ մեծ սիրով նկարում եմ, բայց նկարելը ոչ միայն իմ կյանքում ազատ ժամանակս ինչ֊որ բանով լրացնելու միջոց է, այլ նպատակ, որն ամեն գնով պետք է իրագործեմ։ Բացեմ փակագծերը՝ սիրում եմ նկարել և երազում եմ նկարչուհի դառնալու մասին։
Ազատ ժամանակ ոչ միայն նկարում եմ, այլև մտածում, երազում՝ապագայում ինչ֊որ բանով ազգիս օգտակար լինելու մասին։ Երազանքներիցս մեկը նկարչուհի դառնալն է, մյուսը՝ գեղարվեստի դպրոց բացելը և մանուկներին, որոնք սիրում և զբաղվում են նկարչությամբ,հնարավորություն տալը՝իրենց տաղանդը էլ ավելի կատարելագործելու։
Հավատում և ամեն գնով ցանկանում եմ ապագայում իրագործել երազանքս և գեղարվեստի դպրոցը անվանակոչել հենց իմ անունով։ 2014 թվականից հաճախել եմ Էդիկ Ղուլյանի անվան գեղարվեստի դպրոց և ավարտել 2019 թվականին։Ցանկանում եմ ուսումս հետագայում շարունակել Խաչատուր Աբովյանի անվան մանկավարժական համալսարանում ( կերպարվեստի ֆակուլտետ) ։
Այս պահին նկարում եմ դիմանկարներ, արդեն 3 դիմանկար ունեմ վաճառած:
Պատրաստում և վաճառում եմ նաև կրծքազարդեր։
Հուսով եմ նպատակներս կիրականանան և նոր դռներ կբացվեն իմ առջև։
