Ես Լիանան եմ, 18 տարեկան Արագածոտնի մարզի Աշտարակ քաղաքից,սակայն այժմ տեղափոխվել եմ բնակվելու Երևան քաղաքում: Վաղ տարիքից հետաքրքրվել եմ լրագրությամբ,և երազանքս իրականացել է 15տարեկան հասակում, երբ գրանցվեցի 17.am-ում որպես կամավոր և մտքերս ու իրադարձությունները սկսեցի լուսաբանել: 16 տարեկանում սկսել եմ զբաղվել հասարակական գործունեությամբ: Ընկերներով հիմնեցինք երիտասարդական մի ակումբ` անվանելով այն «Բումերանգ»: 16տարեկանը որոշիչ էր ինձ համար նաև աշխատանքիս հարցում. «Կենտրոն» հեռուստաընկրությունում սկզբից աշխատեցի  որպես  կամավոր, հետո նաև որպես գրանցված աշխատող`որպես համակարգող,աշխատում եմ մինչ օրս: Այս տարիքում սովորում էի դպրոցին զուգահեռ «Թումո» կենտրոնում,արդյունքում հմտացա լուսանկարչության մեջ,և 2019 թվականի ամռանը սկսեցի աշխատել որպես լուսանկարիչ: Աշխատում էի իմ իսկ քաղաքում,զբոսաշրջիկերի հետ:

– Դե  սկսենք  հարցազրույցը: Եվ  միանգամից  առաջին  հարցը`  ի՞նչն  եք  կարևորում առաջին  հերթին  մարդկանց  մեջ:

– Անկեղծ ասեմ,սիրում եմ մարդկանց անկեղծությունը և վճռականությունը:

– Իսկ ի՞նչն է մարդուն դարձնում երջանիկ:

– Ըստ իս զբաղվածությունը, երբ զբաղված ենք լինում,մոռանում ենք խնդիրների մասին:

– Շնորհակալություն: Ի՞նչն  եք  այդքան  սիրում  լրագրության  մեջ:

– Ինձ համար լրագրությունը չունի սահմաններ և սահմանափակումներ: Բացի լուսաբանելուց լրագրողները նաև ականատես են լինում մի շարք իրադարձությունների և դառնում են ժողովրդի աչքն ու ականջը,այն ինչ տեսանելի չէ,դարձնում են տեսանելի,այն ինչ անտեսված է, դառնում է միջագային խոսակցության թեմա: Աշխատանքը այդքան էլ հեշտ չէ,ինչպես թվում է,սակայն նաև  գնահատված էլ չէ մեր կատարած աշխատանքը:

– Իսկ մարդուն ի՞նչ բնավորության գիծ է պետք լրագրող դառնալու համար, և ի՞նչն է կարևոր այդ աշխատանքում:

– Մարդը  պետք  է  լինի համբերատար,հավասարակշռված ինչպես նաև ունենա լայն մտահորիզոն:

– Խոսեցինք մտահորիզոնից, եկեք ես ձեզ ասեմ կարճ ինֆորմացիա, դուք մտածեք շատ գրավիչ վերնագիր ու ստուգենք ձեր երևակայությունը, համաձայն ե՞ք:

– Սկսենք:

– Գիշերը ես ձայներ լսեցի, վեր կացա ու տեսա, որ հողաթափերիցս մեկը չկա:

– Գիշեր,սևերը դուրս են գալիս որսի…

– Թեյնիկից ջուրը թափվեց վառարանին և վառարանը կարմրեց:

– Բարկացած եռուզեռ է…

– Փաստորեն լավ երևակայություն ունեք, ի՞սկ երգեր լսել սիրում եք:

– Ինքս երգում եմ և շատ եմ սիրում երաժշտոթյուն լսել,այն լավ մոտիվացիա է գրելու համար

– Փաստորեն բազմակողմանի եք զարգացած, լավ իսկ ինչ ժանրի երաժշտություն եք նախընտրում:

– Բացի ճչացող ռոքից և բթացնող ռաբիզից ամեն բան լսում եմ,կախված է տրամադրությունիցս:

– Լավ, դե այսօրվա եղանակին համապատասխան երգ ասեք:

– Ed sheeran «Perfect»:

– Ընտիր է,  անցանք  բլից  հարցերին:  Փորձում  եք  հնարավորինս արագ  պատասխանել:

– Լավ:

– Ի՞նչ արտահայտություն կամ բառ եք շատ օգտագործում:

– Աաաաա:

– Ի՞նչն  է  ձեզ  վախեցնում:

– Մթության մեջ մենակ քայլելու ժամանակ իմ ստվերը:

– Մտնում եք սենյակ, տեսնում եք սեղանին դրված հարթաշուրթ, կողքին աթող, աթոռի վրա՝ ֆեն և ձիթապտուղ, ու՞ր եք մտել:

– Իմ  սենյակ:

– Երկրի վրա պետք է մնա 5 երգիչ, ովքե՞ր կուզեք լինեն:

– Sia, Ed sheeran, Nemra (խմբով):

– Երկրի վրայից պետք է վերանա 5 մասնագիտություն, որո՞նք կուզես լինեն:

– Դժվարանում եմ պատասխանել,եթե կան մասնագիտությունները,ուրեմն անհրաժեշտությունը կա:

– Լրագրության ամենաչսիրած կողմը:

– Լուսանկարելու  արվեստն է:

– Եվ  վերջում` ինչպե՞ս հայտնվեցիք newsflow.am կայքում, և ի՞նչ կպատմեք մարդկանց մեր կայքի մասին:

– Ընկերներիցս Հակոբի թեթև ձեռքով ցանկություն հայտնեցի դառնալ թղթակից, իսկ ղեկավարը՝ Ավոն չմերժեց: News Flow ում մարդիկ չափազանց անկեղծ են և ընկերասեր, մեկը մյուսի համար պատրաստ է ամեն ինչի: Ես սիրում եմ իմ News Flow-յան ընկերներին:

– Շնորհակալություն շատ  հետաքրքիր  հարցազրույցի  համար:

– Ձեզ  նույնպես  շնորհակալ  եմ:

Հետևեք  ինձ`  facebook.com

Հիշեցնեմ,  որ  զրուցում  էինք newsflow.am կայքի  խմբագիր,  լուսանկարիչ, լրագրող, մի  հրաշք  անձնավորություն Լիանա  Հակոբյանի հետ: