Լավատես, բայց իրատես | Ինչպե՞ս
Այսօր շատ մարդկանց ենք հանդիպում, ովքեր փոքրիկ պատճառով սկսում են շատ անհանգստանալ: Կան մարդիկ էլ, ովքեր նայում են իրատես, բայց «չոր ու ցամաք» աչքերով: Սակայն խնդիրները հաղթահարելու համար շատ կարևոր է լինել միաժամանակ իրատես և լավատես: Ի՞նչ է սա նշանակում:
Միաժամանակ իրատես և լավատես մարդը արագ չի ընկճվում, տեսնում է հնարավոր ուղիները, բայց իր վերջնական ելքը պատկերացնում է լավ արդյունքով: Նա ամեն պատճառով չի տխրում, դժվարությունը դիտարկում է որպես հնարավորություն:
Իսկ ինչպե՞ս լինենք իրատես-լավատես:
1. Ամեն ինչ փորձեք ընդունել այնպես, ինչպես կա, ոչ թե չափազանցրեք:
Երբ ունենում եք խնդիրներ, դրանք մի մեծացրեք` ընկնելով անհանգստությունների գիրկը: Միաժամանակ նաև պետք չէ ավելի փոքրացնել: Ուղղակի խնդիրը դիտարկեք բոլոր տեսանկյուններից և լիարժեք պատկերացում կազմեք` առանց վհատվելու:
2. Ձեզ լցրեք դրական էներգիայով:
Պարբերաբար ժպտացեք, նկատեք շրջապատում եղած դրական փոփոխությունները, գովեք ուրիշներին: Փորձեք ավելի շատ ժամանակ տրամադրել լավը մտածելուն և դրական էներգիայով լիքը ժամանց անցկացնելուն:
3. Ձեզ անհիմն կաղապարներով մի շրջապատեք:
Յուրաքանչյուր անհիմն կաղապար մեզ վրա եղող ճնշումը էլ ավելի է մեծացնում: Հետևաբար փորձեք զերծ մնալ կաղապարներից և կարծրատիպերից:
4. Մի ակնկալեք վատը:
որքան շատ եք վատի մասին մտածում, այնքան վատ էներգիան ներխուժում է Ձեր մտածելակերպ:
5. Ապրեք ներկայով` անհաջողություններն ու դժվարությունները ընդունելով որպես հնարավորություն:
Որքան քիչ մտածեք անցյալի և ապագայի խնդիրների մասին, այնքան ավելի շատ մտահոգություններով շրջապատված կլինեք: Դրա փոխարեն ներկայի խնդիրները փորձեք լուծել հնարավոր ելքերով ` խնդիրները միմյանցից ըստ առաջնահերթության տարբերակելով : Միաժամանակ դրանք ընդունեք որպես հնարավորություն նոր նպատակների հասնելու:
